काठमाडौं– मनहरा खोलाको बालुवा निकाल्ने सेटिङ मिलादिदिने भन्दै ठेकेदारसँग घुस मागेको आरोपमा काठमाडौंबाट ९ जना प्रहरीलाई  अख्तियार दुरुपयोग अनुसन्धान आयोगले नियन्त्रणमा लिएको छ ।

 पक्राउ पर्नेमा दुई जना असई रहेका छन् । असईहरुमा प्रहरी बृत्त कोटेश्वरका गोपाल श्रेष्ठ र महानगरीय प्रहरी वृत्त ठिमीमा कार्यरत सुवास ढुंगाना रहेका छन् । अन्य जवानहरु रहेको बताइएको छ । 

आयोगबाट खटिएको टोलीले असई  श्रेष्ठको साथबाट ३० हजार घुस बरामद गरेको  बताइएको छ । यसवारे आवश्यक अनुसन्धान भइरहेकोे अख्तियार स्रोतले जनाएको छ ।