मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
सुर्खेत – कर्णाली प्रदेशका मुख्यमन्त्री महेन्द्रबहादुर शाहीले विभिन्न राजनीतिक दलका भातृ संगठन प्रदेश निर्माणको सवालमा सुतिरहेको बताएका छन् ।
कर्णालीलाई समृद्ध बनाउने जिम्मा बोकेका युवा र बुद्विजीवि गहिरो निद्रामा परेको बताउँदै अब सबैले उनीहरूलाई जगाउनुपर्ने बेला आएको उनले बताए ।
‘हामी गहिरो निद्रामा परेका सुर्खेती युवा, बुद्विजीविलाई जगाउन चाहन्छौं,’ उनले भने, ‘उनीहरूको साथ र सहयोग लिई कर्णालीलाई नमूना प्रदेश बनाउन चाहन्छौं ।’ मुख्यमन्त्री शाहीले कर्णालीका राजनीतिक दलका भातृ संगठन अब ब्यूझनुपर्नेमा जोड दिए ।
सोमबार वीरेन्द्रनगरमा श्रम दिवसको अवसर पारेर वृक्षारोपण कार्यक्रममा सहभागिता जनाउँदै मुख्यमन्त्री शाहीले एक थान संविधानले मात्रै देशका जनताको हित नहुने बताए । ‘हातहातमा संविधान थमाएर समृद्धि आउँदैन,’ मुख्यमन्त्री शाहीले भने, ‘त्यसका लागि स्थानीय, प्रदेश र संघीय सरकारले संविधानलाई कार्यान्वयन गर्नुपर्छ ।’
केन्द्र सरकारले अहिले पनि अधिकार दिन नमानेकोप्रति लक्षित गर्दै मुख्यमन्त्री शाहीले संविधानमा जति अधिकार जसले पाएका छन् ती कार्यान्वयन गर्न सके मात्रै जनताले समृद्धिको सपना साकार भएको महसुस गर्ने बताए ।
उनले राजनीतिक आन्दोलनभन्दा आर्थिक समृद्धिको आन्दोलन शुरू भइसकेको बताउँदै त्यसको शुरूवात फल दिने वृक्ष रोपेर गरिएको बताए । ‘हामीले वीरेन्द्रनगरलाई हरित शहर बनाऔं, सडकको दुवैतिर फल दिने अर्थात् तेजपत्ता रोपौं,’ मुख्यमन्त्री शाहीले भने, ‘त्यसो गर्न सके तेजपत्ताको पातले हामीलाई डलर फलाउने छ ।’ उनले वीरेन्द्रनगर नगरपालिकालाई नमूना बनाउन जनप्रतिनिधिलाई आग्रह गरे ।
‘यो कर्णालीको मुटु हो । मुटु नै अस्वस्थ भएको खण्डमा अन्य शरीरको खासै अस्तित्व नै हुँदैन,’ मुख्यमन्त्री शाहीले भने, ‘यो नगरलाई उदाहरणीय बनाउनुहोस्, सुन्दर र सफा बनाउनुहोस् । यहाँ आएका अन्य नगर प्रमुखले यहाँहरूबाट केही न केही सिकेर जाउन न कि फोहोर सडकमा फाल्ने, विरुवाको जरामा आगो बाल्ने ।’ मुख्यमन्त्री शाहीले शहर सुन्दर बनाउन जति बजेट चाहिन्छ दिन प्रदेश सरकार तयार रहेको बताए ।
मुख्यमन्त्री शाहीले सबै कर्णालीवासीले सुन्दर र समृद्ध कर्णाली बनाउने अभियानमा सरिक हुनुपर्नेमा जोड दिए । ‘शहरमा हामी २–४ जनाले झाडु लगाउँदैमा शहर सफा हुँदैन,’ मुख्यमन्त्री शाहीले भने, ‘त्यसका लागि आम जनताको मस्तिष्क सफा गर्न जरुरी छ, मस्तिष्क सफा गर्न सकियो भने शहर आफै सफा हुन्छ ।’
कार्यक्रममा संक्षिप्त मन्तव्य दिँदै सरकारका आर्थिक मामिला तथा योजनामन्त्री प्रकाश बुढाथोकी क्षेत्रीले प्रदेश बनाउन सबैको महत्वपूर्ण भूमिका रहेको बताए । कृषि, भूमि व्यवस्था तथा सहकारी मन्त्री विमला केसीले कृषिबाट मात्रै कर्णालीलाई समृद्ध बनाउन सकिने बताइन् ।
कार्यक्रममाा ४ सय तेजपत्ताका बेर्ना र ३ सय आँप, कटहर, लिची, अम्बाका बेर्ना वृक्षारोपण गरिएको थियो । वृक्षारोपण कार्यक्रममा सरकारका उच्चपदस्थ अधिकारी, कर्मचारी, सुरक्षा निकायका प्रमुख लगायतको सहभागिता रहेको थियो ।
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...