काठमाडौं — अमेरिकाले चीनसँगको व्यापारयुद्ध चुलिँदै जाँदा २०० अर्ब डलर बराबरको चिनियाँ सामानमा नयाँ आयातशुल्क लगाएको छ । 

यो शुल्क लगभग ६ हजार सामानमा लाग्नेछ र यो अहिलेसम्मकै सबभन्दा ठूलो शुल्क हो । 

हाते झोला, चामल र कपडा पनि शुल्क लाग्ने वस्तुमा पर्छन् तर स्मार्ट वाच र अग्ला कुर्सीहरूमा चाहिँ शुल्क लगाइएको छैन । 

चीनले यसअघि नै थप अमेरिकी करविरुद्ध प्रतिकार गर्ने बताइसकेको छ । 

यो कर असोज ८ गतेदेखि लगाइनेछ । शुरूमा १० प्रतिशत शुल्क लगाउँदै दुई देशबीच सम्झौता नभएमा त्यसलाई बढाएर अर्को वर्षको शुरूआतमा २० प्रतिशत पु¥याइनेछ । 

अमेरिकाका राष्ट्रपति डोनल्ड ट्रम्पले पछिल्लो चरणको आयातकर चीनको असंगत व्यापारको प्रतिक्रियास्वरूप लगाइएको बताएका छन् । चीनले सब्सिडी लगाउने र विदेशी कम्पनीलाई स्थानीय साझेदारसँग मिलेर काम गर्नुपर्ने बाध्यता
गराएकाले यसो गरिएको उनको भनाइ छ ।

‘हामीहरू परिवर्तन गरिनुपर्ने कुरामा प्रस्ट छौं र हामीले चीनलाई हामीप्रति स्वच्छ व्यवहार गर्नका लागि सबै अवसर दिएका छौं । तर अहिलेसम्म चीनले आफ्नो काम गर्ने तरिका परिवर्तन गरेको छैन,’ उनले भने ।

चीनले प्रतिशोधस्वरूप कर लगाएमा अमेरिकाले तत्कालै तेस्रो चरणको काम थाल्ने उनले चेतावनी दिए । त्यो भनेको २६७ अर्ब डलर बराबरको चिनियाँ सामानमा थप कर लगाउनु हो । 

ट्रम्पले तेस्रो चरणको कर लगाउने स्थिति आएमा लगभग सबै चिनियाँ आयातमा कर लाग्नेछ ।

बीबीसीबाट