काठमाडौं – पार्टी, क्याजुअल र स्पोर्टस्मा छान्ने धेरै अवसर जुत्ता पारखीको पहिलो रोजाइमा परेको शिखर सुजले नजिकिँदै गएका बडादशैं, तिहार, छट लगायतका चाडबाडलाई लक्षित गरेर १ सयभन्दा बढी नयाँ डिजाइनका जुत्ता बजारमा ल्याएको छ ।

शिखरले युवायुवती, स्कूले विद्यार्थी, कामकाजी व्यक्तित्वलाई लक्षित गरेर हरेक सिजनमा नयाँ डिजाइनका जुत्ता उत्पादन गर्दै आएको छ ।

‘दशैंतिहार नयाँ कपडा र जुत्ता किन्ने अवसर पनि भएकाले ग्राहकको रोजाइ अनुसारको जुत्ता उपलब्ध गराउन हामीले बजारमा आएकाभन्दा विल्कुलै नयाँ डिजाइनका जुत्ता बजारमा ल्याएका हौं,’ कम्पनीद्वारा जारी विज्ञप्तिमा लेखिएको छ, ‘ती नयाँ जुत्तामा पार्टी सुजका २५ भन्दा बढी डिजाइन, स्पोर्टस् सुजका २५ भन्दा बढी डिजाइन, क्याजुअल सुजका २५ भन्दा बढी डिजाइन र अन्य जुत्ताका २५ भन्दा बढी डिजाइन छन् ।’

नेपाली जुत्तामध्ये धेरै ग्राहकको रोजाइमा परेर १ नम्बर ब्राण्ड बन्न पुगेको शिखरले लेडिज तथा जेन्स स्यान्डल, पार्टी शु, कलेजर स्कुल शु, अफिसियल शु, क्याजुअल शु र स्पोर्टस् लगायतका जुत्ता बजारमा ल्याएको छ । शिखरले राजधानीलगायत देशैभर आफ्नै सोरुम र वितरकमार्फत् जुत्ता बेच्दै आएको छ ।

उद्योगमा प्रत्यक्ष र अप्रत्यक्ष गरी ४ हजारभन्दा बढी व्यक्तिले रोजगारी पाइरहेका छन् । उद्योगले काठमाडौं र विराटनगरमा शुकन्भेयर मेसिन, पियू (पोली युरेथेन) मेसिन र डिएमएस (बुट बनाउने) मेसिन लगायतका स्वचालित प्लान्ट राखेर जुत्ता उत्पादन गर्छ ।

नेपालमा सबैभन्दा ठूलो पूर्वाधार भएको जुत्ता उद्योगमा शिखर अग्रपंक्तिमा आइपुगेको छ । कम्पनीले ग्राहकलाई ढुक्क भएर जुत्ता लगाउन सक्ने गरी आफ्ना हरेक उत्पादनमा ६ महिनाको वारेन्टीसमेत दिँदै आएको छ ।