सर्लाही– विषालु सर्पको डसाइबाट दुई जना भारतीय नागरिकको मृत्यु भएको छ । 

मृत्यु हुनेमा भारत सीतामढी जिल्लास्थित बथुवाराका १३ वर्षीया बेवी कुमारी र रेहुवाका ४० वर्षीया मोहनी देवी रहेका छन । 
गोहमन सर्पको डसाइबाट गम्भीर घाइते भएका दुबै जनाको सर्लाही अस्पताल मलङ्गवामा उपचारका क्रममा मृत्यु भएको अस्पतालले जनाएको छ । 
धाँमीझाँक्री कहाँ लगेर झारफुक गराएकाले समयमै उपचार नपाएपछि उनीहरुको मृत्यु भएको अस्पताल अकास्मिक कक्षका प्रमुख नथुनी महतोले जानकारी दिए । 

यसैबीच  दाङको देउखुरीमा करेन्ट लागेर एक जनाको मृत्यु भएको छ । 

मृत्यु हुनेमा राप्ती गाउँपालिका–७ बड्का सिसहनियाँका २७ वर्षीय सुनिल चौधरी रहेको छ । स्थानीयवासी कृष्णप्रसाद पौडेलको घर ढलान गर्ने क्रममा करेन्ट लाग्दा उनकोे घटनास्थलमै मृत्यु भएको जिल्ला प्रहरी कर्यालय दाङका प्रहरी नायब उपरीक्षक रामप्रसाद घर्तीले जानकारी दिए ।