काठमाडौं–एएफसी यू–१६ महिला च्याम्पियनसिप छनोटमा नेपालले आइतबार आफ्नो अन्तिम खेल खेल्दैछ । समूह ‘ई’ अन्तर्गत नेपालले अन्तिम खेलमा मलेसियासंग प्रतिस्पर्धा गर्दैछ ।

मलेसियाविरुद्ध मैदान उत्रदा नेपाल पहिलो जितको खोजीमा हुनेछ । यसअघि पहिलो खेलमा नेपाल फिलिपिन्ससंग ४–० ले पराजित भएको थियो । यस्तै दोस्रो खेलमा नेपाल म्यानमारसंग ११–१ ले पराजित भएको थियो ।

नेपाल र मलेसियाबीचको खेल हल्चोकस्थित एपीएफ क्लबको मैदानमा अपरान्ह हुनेछ । छनोटमा फिलिपिन्स र म्यानमारले समान ६ अंक जोड्दै अघिल्लो चरण पुग्ने पक्का गरिसकेका छन् । समूहको शीर्ष दुई टोलीले अर्को बर्ष थाइल्याण्डमा हुने एएफसी यू–१६ महिला च्याम्पियनसिपको यात्रा तय गर्नेछन् ।