धनगढी –झण्डै ३० लाख अवैध भारतीय रुपैयाँसहित एकजना पक्राउ परेका छन् ।

आलुको बोरामा लुकाई छिपाई ल्याउँदै गरेको भारतीय रुपैयाँसहित लम्की चुहा नगरपालिका- १ का ३१ वर्षीय कृष्णराज जोशीलाई पक्राउ गरिएको हो ।

से ४ प ६७६० नम्बरको मोटरसाइकलसहित जोशीलाई नियन्त्रणमा लिएर इलाका प्रहरी कार्यालय टीकापुरको जिम्मा लगाएको सशस्त्र प्रहरी बल कैलाली ३४ नम्बर गणका प्रमुख शसस्त्र प्रहरी नायब उपरीक्षक (डिएसपी) विष्णुप्रसाद भट्टले जानकारी दिए ।

उनले जोशीसंग रहेको रकमको गणना भैरहेका कारण कति रकम थियो भन्ने यकिन नभएको बताए ।

टीकापुर र सीमा सुरक्षा बल भजनीबाट खटिएको सशस्त्र प्रहरीको टोलीले उनलाई कुसुमघाटबाट पक्राउ गरेको हो ।

जाेशीबाट बरामद अवैध भारु करीब ३० लाख बराबर रहेको बताइएको छ ।