धनगढी – आलुको बोरामा राखेर नेपालतर्फ ल्याउँदै गरिएको ७१ लाख ७९ हजार ३ सय अवैध भारतीय रुपैयाँसहित एकजना पक्राउ परेका छन् ।

सशस्त्र प्रहरी बल भजनी तथा सशस्त्र प्रहरी बल टीकापुरको संयुक्त गस्ती टोलीले आज बिहान साढे ११ बजेको समयमा भजनी नगरपालिका–३ कुष्माघाटबाट सो परिमाणमा अवैध भारुसहित लम्कीचुहा नगरपालिका– १ का ३१ वर्षीय कृष्णराज जोशीलाई पक्राउ गरेको हो ।

उनको साथबाट से ४ प ६७६० नम्बरको मोटरसाइकल समेत बरामद गरिएको इलाका प्रहरी कार्यालय टीकापुरका डीएसपी शिवबहादुर सिंहले जानकारी दिए ।

पैसा कहाँबाट ल्याएको हो र कसको हो ? भन्नेबारे खुल्न सकेको छैन । घटनाबारे अनुसन्धान भइरहेको डीएसपी सिंहले जानकारी दिए ।