भारतीय फिल्म उद्योगमा केही समय पहिला २० करोडको कमाइ गर्ने फिल्मलाई ब्लक बास्टर फिल्मको दर्जा प्राप्त हुन्थ्यो । तर अहिले समय फेरिएको छ । फिल्महरुले अहिले  सय करोडको कमाइ सामान्य बन्न थालेको छ । यस्ता केही भारतीय फिल्मबारे हामी यहाँ चर्चा गरिरहेका छौं जसले सबैभन्दा धेरै कमाइ गरेको छ । 

१ बाहुबली–२ - सबैभन्दा धेरै कमाइ गर्ने फिल्मको सूचीको एक नम्बरमा आउँछ बाहुबली–२ द कन्क्लजन । बाहुबली २ हेर्नका लागि फ्यानहरु निकै उत्साही थिए । किनी बाहुबली जो पहिला रिलिज भएको थियो । जसमा केही यस्ता प्रश्नहरु जन्मिएका थिए जसको उत्तर बाहुबली २ मा हेर्नका लागि दर्शन निकै प्रतिक्षरत थिए । जसका कारण धेरै मानिसले यो फिल्म हेरे । फिल्मको कमाइले आकाश छोयो । यो फिल्मले करिब १ हजार ६ सय ८ करोड कमाइ गरेको थियो । यो फिल्म बनाउन पनि निकै खर्च भएको थियो । फिल्म रिलिज गर्दा यस फिल्मले यति धेरै कमाइ गर्ला भन्ने निर्माताहरुले समेत सोचेका थिएनन् । 

२.पीके– सबै भन्दा धेरै कमाइ गर्ने फिल्मको दोस्रो नम्बरमा आमिर खानको फिल्म पीके रहेको छ । जसलाई विधु विनोद चोपडाले बनाएका थिए । जसमा आमिर खान मुख्य अभिनेता थिए । यो फिल्मलाई मानिसहरुले निकै मन पराए । यस फिल्मले पनि धेरै रेकर्डहरु तोडेको थियो । यसको कमाइ ८०० करोड भन्दा धेरै भएको छ  । 

३. बाहुबली– सबैभन्दा धेरै कमाइ गर्ने फिल्मको तेस्रो नम्बरमा २०१५ मा रिलिज भएको फिल्म बाहुबली रहेको छ । बाहुबली आफ्नो भव्य सेट तथा आकर्षक कथाका कारण वर्षभरि नै चर्चा रह्यो । यो फिल्मले करिब ७ सय करोडको कमाइ गरेको थियो । 

४. बजरंगी भाइजान– सबैभन्दा धेरै कमाइ गर्ने फिल्मको चौथो नम्बरमा बलिउड स्टार सलमान खानको फिल्म बजरंगी भाइजान । यो फिल्मले ६३० करोड रुपैयाँ कमाइ गरेको थियो । 

५. सुल्तान– सबैभन्दा धेरै कमाइ गर्नै फिल्मको पाँचो नम्बरमा सलमान खानको बजरंगी भाइजननपछि आएको फिल्म सुल्तान रहेको छ  । यो फिल्मले लगभग ५९० करोड रुपैयाँको कमाइ गरेको थियो । 

६.धूम–३ः  सबैभन्दा धेरै कमाइ गर्नेको छैंठौं नम्बरमा धूम ३ फिलम रहेको छ । यशराज फिल्मस्को व्यानरमा बनेको फिल्ममा आमिर खानको मुख्य भूमिका रहेको छ । फिल्मले ५४० करोड रुपैयाँ कमाइ गरेको थियो । 

७. दंगल–आमिर खानको अर्को फिल्म दंगलले पनि ५सय ३७ करोड कमाएको थियो । 

८.प्रेम रतन धन पायो–आठौं नम्बरमा रहेको छ सलमान खान सोनम कपूरको फिल्म प्रेम रतन धन पायो । पारिवारिक सम्बन्धमा आधारित फिल्मले ४३० करोड कमाइ गरेको थियो । 

९. चेन्नई एक्सप्रेस– किंग खान भनिने सुपरस्टार शाहरु खानको फिल्म चेन्नाई एक्सप्रेस रहेको छ । उनको २०१३ मा आएको फिल्मले ४२३ करोडको व्यापार गरेको थियो । 

१०. थ्री इडियट्स– यस सूचीको दशौं नम्बरमा परेको फिल्मको थ्री इडियट्स । जो २००९ मा रिलिज भएको थियो र यो फिल्मले निकै कम सयमा ४०० करोडको कमाइ गरेको थियो ।