गुल्मी– नयाँ मुलुकी ऐनको फाइदा उठाउँदै जिल्ला अदालतमा सम्बन्ध विच्छेद गर्न आउने पुरुषको संख्या ह्वात्तै बढेको छ ।

नयाँ मुलुकी संहिता लागू भएको १५ दिनसम्म जिल्ला अदालत गुल्मीमा सम्बन्ध विच्छेद गर्ने महिला पुरुषको संख्या बराबर देखिएको थियो ।

तर, पछिल्लो १५ दिनमा महिलाभन्दा सात जना बढी पुरुषले सम्बन्ध विच्छेदका लागि जिल्ला अदालत गुल्मीमा मुद्दा दर्ता गराएका छन् । ऐन लागू भएदेखि १ असोजसम्म ३३ वटा सम्बन्ध विच्छेदका मुद्दा दर्ता भएको नायब सुब्बा सीता घिमिरेले बताइन् । त्यसमा १३ महिला र २० पुरुष छन् । राजधानी दैनिकामा विस्तृतमा खबर छापिएको छ ।