माल्दिभ्सको राष्ट्रतीय  निर्वाचनमा विपक्षी दलले जित हात पारेको छ ।

निवर्तमान राष्ट्रपति अब्दुल्ला यामिनले चुनावमा धाँधली गरेको आशंक व्यक्त गरिएको बेला उनी विपक्षी उम्मेदवार इब्राहिम मोहम्मद सोलिह करिब ५८.३ प्रतिशत मतका साथ विजयी भएका हुन् । 

विपक्षीले पाएको जीत पछि चिनियाँ समर्थक मानिने वर्तमान राष्ट्रपति यामिनले पद छोड्नुपर्ने भएको छ । ५४ वर्षका वकिल तथा राष्ट्रपति पदका उम्मेदवार इबहिमले ९२ प्रतिशत भोट गणनापछि बाहिर निस्किएर आफ्नो जीतको दाबी गरेका थिए । 

उनले यामीन प्रशासनसँग सत्ता सहज स्थानान्तरणको लागि अनुरोध गरेका छन् । 

निर्वाचन आयोगले सोमबार जारी गरेको नतिजा अनुसार सोलिहले १ लाख ३३ हजार भोट र यामिनले ९५ हजार ५ सय भोट पाएका छन् । मालदिभ्सका ४ लाख नागरिकमध्ये २ लाख ६० हजार भन्दा धेरै मानिसले भोट दिएका थिए ।