काठमाडौं — राजनीतिकर्मी तथा समाजसेवी नेपालजित लामाद्वारा लिखित ‘मन्थन’ पुस्तक सोमवार लोकार्पण गरिएको छ । 

साहित्यकार तथा पूर्वसांसद नारायण ढकाल, प्रतिनिधिसभा काठमाडौं क्षेत्र नं ३ का माननीय सांसद कृष्ण राई, प्रतिनिधिसभा काठमाडौं क्षेत्र नं ३ का प्रदेश सांसद रामेश्वर फुँयाल, प्रतिनिधिसभा काठमाडौं क्षेत्र नं ३ का प्रदेश सांसद छिरिङ दोर्जे लामा, जापानका लागि नेपाली पूर्वराजदूत डाक्टर गणेश योन्जन , घोष्ट राइटिङ नेपालका अध्यक्ष कमल ढकालले संयुक्त रूपमा पुस्तक लोकार्पण गरेका हुन् । 

प्रमुख अतिथि नारायण ढकालले संसारमा राजामाहाराजाको मात्र ईतिहास बनेकोमा घोष्टराईटिंगका कारण सामान्य मान्छेको कथा आउन थालेकोमा खुशी ब्यक्त गर्नुभयो र भन्नुभयो नेपालजीत लामाको  बौद्ध क्षेत्रमा अतुलनीय समाजिक योगदान रहेको छ । राजनीति र समाजसेवामा उहाँको योगदान बारे यो किताबमा त्यति नबोले पनि अरु कुरा साहसिक ढंगमा आएको छ । 

किताबमाथि समिक्षा गर्दै पुर्व राजदुत गणेश योन्जनले किताबले नेपालजीत लामाको सम्पुर्ण ब्यक्तित्व नसमेटे पनि उहाँको ब्यक्तित्व बारे राम्रै बोलेको बताउनुभयो । अर्का वक्ता काठमाडौ क्षेत्र नम्बर ३ प्रदेश सभाका सांसद रामेश्वर फुँयालले राजनीतिमा समकक्षी नेपालजीत लामाको साहसका कथा किंवदन्ती जस्तो लाग्ने बताउदै राजनीतिबाट उहाँ किनारमा रहन नुहने बताउनुभयो । 

क्षेत्र नम्बर ३ प्रतिनिधिसभा सांसद कृष्ण राईले नेपालजीत लामाको पुस्तक पुर्वी काठमाडौ क्षेत्रकै लागि उर्जा भएको बताउदै भन्नुभयो “नेपालजीत लामाको धेरै कार्य स्तुत्य छन , राजनीतिमा उहाँ भएको भए म अहिले सांसद भएर बोलिरहेको हुने थिएन मन्चमा बसेर उहाँको भाषण सुनिरहेको हुने थिए , नयाँ पुस्तालाई चान्स दिएर उहाँले बाटो खाली गरेपनि सधैव सल्लाह सुुझाव लिने नै छौ ।”

घोष्टराईटिंग नेपालका अध्यक्ष कमल ढकालले समाजमा आत्मवृतान्त मपाईको पुलिन्दा भईरहेकोमा यो किताब फरक रहेको बताउदै भन्नुभयो “कोहि लेखकले मैले गुन्डागर्दी गर्थे , म मुर्ख थिए मैले टयाब र रक्सि खान्थे भन्ने पुस्तकमा नलेखेको उहाँले त्यो कुरा वर्णन गर्दै आफु सुध्रेको कहानी लेखेको बताउनुभयो ।”घोष्टराईटिंग नेपालले समाजका फरक क्षेत्र र ब्यक्ति समेटदै किताब लेखिरहेकोमा यो किताबमा पनि फरक प्रेरणा रहेको बताउनुभयो । काठमाडौ क्षेत्र नम्बर ३ का प्रदेश सभा सांसद छिरिग दोर्जे लामाले नेपालजीत लामा आफ्नो काका र फरक पार्टीको भएपनि बौद्ध क्षेत्र नेपालजीतको प्रेरणाले बाचेको बताउनु भयो । आज पनि नेपालजीत लामाले चुनाव लड्छु भने यहाँ एक नम्बरमै जित्ने उनले बताए । 

लेखक नेपालजीत लामाले जीवनगाथा लेख्ने बेला नभए पनि घोष्टराईटिङ नेपालले पटक पटक घचघचमएको कारण आफु किताब लेख्न लागेको बताउनुभयो । नेपाली समाजमा देखेको कुरा आफुले केही नाम सहित र केही नाम विनाका सत्य कुरा लेखेको उनले बताए । आफ्नो किताबले समाजमा केही प्रेरणाका चिज थप्न सके आफुले केही राम्रो काम गरेको ठान्ने उनले बताए । 

आत्मवृतान्तमा आधारित मन्थन घोष्ट राइटिङ नेपालले बजारमा ल्याएको हो । पुस्तकको मुल्य ३५० रुपैंया रहेको छ ।