काठमाडौं – जगदम्बा समूहमा आवद्ध उत्साही उद्यमीले बेलायती र जर्मनी प्रविधिद्वारा निर्मित गुणस्तरीय प्रि–कास्ट निर्माण सामग्री हालै बजारमा ल्याएका छन् ।

सिमेन्ट, स्टील्स् लगायत विभिन्न निर्माण सामग्रीको उत्पादन तथा बिक्री–वितरणको लामो अनुभवबाट ख्याति कमाएका जगदम्बा समूहका उद्योगीले जगदम्बा कंक्रिटो नामक उद्योगबाट ब्लक, ब्रिक, पेभरको साथसाथै अन्य प्रि–कास्ट वस्तुजस्तै फ्ल्याग टायल्स, ससर ड्रेन, कर्भस्ट्रोन उत्पादन थालेका छन् ।

कम्पनीको मुख्य उद्देश्य उपभोक्तालाई उचित मूल्यमा उच्च गुणस्तरको वस्तु प्रदान गर्नुरहेको जनाइएको छ । त्यसैले उद्योगद्वारा उत्पादित निर्माण सामग्रीको प्रयोगले निर्माण लगानीमा १० देखि ७५ प्रतिशतसम्म बचत हुने कुरा कम्पनीले जनाएको छ । 

परम्परागत रुपमा उत्पादन, हुने निर्माण सामग्रीभन्दा निकै टिकाउ हुने आकारमा एकरुपता भएको, उच्च गुणस्तरयुक्त विभिन्न प्रकार आकारमा एकरुपता भएको, आकर्षक, प्रदूषण कम गर्ने उर्वर जमिनको खति नहुने, लागत कम लाग्नेजस्ता विभिन्न विशेषताले भरिएका यस किसिमका उत्पादन निर्माणका हरेक संरचनालाई अतिउपयोगी हुने कम्पनीले जनाएको छ ।

घर, हाउजिङ्ग, अपार्टमेन्ट, सपिङ कम्पलेक्स, होटल, बाटो, राजमार्ग, पार्क जस्ता संरचनालाई आवश्यक हुने इँटा, ब्लक, पेभर, कर्भस्टोन, स्ल्याव लगायत वस्तुको प्रयोगले निर्माणको फिनिसिङमा गुणस्तर तथा आधुनिकता पाउने कुरामा कम्पनी विस्वस्त रहेको छ ।

यस्ता वस्तु विभिन्न गौरवमय आयोजनामा समेत प्रयोग गर्दा समय तथा खर्चको बचत हुने देखिन्छ । कम्पनीका अनुसार उद्योगद्वारा उत्पादित विभिन्न वस्तुको प्रयोग गरेको खण्डमा निर्मित संरचना आकर्षक देखिनुका साथै दीर्घकालीन रुपमा दीगो समेत हुने देखिन्छ । 

कम्पनीका अनुसार उपभोक्ताको सुविधालाई मध्यनजर गर्दै ग्राहक सेवा नम्बर ९८०१२३७३३६ नम्बर २४ घण्टा उपलब्ध हुनुका साथै इन्जिनियरिङ कन्सलटेन्सी सर्भिस लगायत आवश्यकता अनुसार क्रेनको सुविधा पनि उपलब्ध गराउन सकिने कम्पनीले विज्ञप्तिमा जनाएको छ ।