काठमाडौं – अलिबाबा क्लाउड अलिबाबा समूहको क्लाउड कम्प्यूटिङ शाखा हो । 

यसले नेपालको बजारमा शक्तिशाली, सुरक्षित, भरपर्दो र कम लागतका क्लाउड कम्प्यूटिङ उत्पादन र सेवा उपलब्ध गराउने लक्ष्यका साथ लक्की ग्रुप कम्पनीको टेलिनेट प्रालिसँग साझेदारी अघि बढाएको छ ।

यस कार्यबाट स्थानीय व्यवसायीलाई डिजिटल रुपान्तरणबाट प्रस्तुत विभिन्न अवसरको लाभ मिल्ने छ । लक्की ग्रुप कम्पनीको टेलिनेट प्रालि नेपालमा आईभीआर सहितको टेलिकम भीएएस, वेव, एप र डब्लूएपी आधारित सोलुसन, डिजिटल रुपान्तरण, आईओटी लगायत सबै टीभी शोहरू र रियालिटी शोका लागि टेलिभोटिङ मन्च आदि डिजिटल व्यवसायमा संलग्न रहँदै आएका छन्  र डोमेनको अझ विस्तार गरिरहेको छ । अब यो सहकार्यसँगै अलिबाबा क्लाउडले डिजिटल युगमा स्थानीय व्यवसायको लागि डिजिटल रुपान्तरणमा अग्रसर हुन सहयोग पुर्याउने छ ।

अलिबाबा क्लाउडले उच्च पर्फर्मेन्स, क्लाउडमा लचिलो कम्प्यूटिङ क्षमता प्रदान गराउँछ र यी सेवाहरू खरिद गर्न उपलब्ध छन् र भुक्तानी तपाईले रोजेको मोडल अनुसार हुनेछ । यसमा भण्डारण, सम्बद्ध डाटाबेस, बिग डाटा प्रशोधन र अनुसन्धानात्मक, आध्ुनिक सुरक्षण र सामग्री उपलब्ध गराउने नेटवर्क समाविष्ट छन् ।

अलिबाबा क्लाउड बृहत् डाटाबेस प्रणाली एवं आधुनिक बिग डाटा प्रविधिको अनुसन्धान र विकासप्रति प्रतिबद्ध रहेको छ । अनुसन्धान र विकास अन्तर्गत आइओटी प्रविधि, भर्चुअल रियालिटी, स्मार्ट होम्स, अटोमोटिभ नेटवर्किङ र सूचना प्रणाली र क्लाउडमा आधारित मोबाइल उपकरण सञ्चालन प्रणाली समावेश छन् । 

नेपालमा क्लाउड ग्रहण कार्यले गति प्राप्त गरिरहेको छ । यस क्षेत्रमा बढ्दो कनेक्टिभिटी र व्यापारिक क्रियाकलापको वृद्धिले नेपालमा क्लाउड कम्प्यूटिङ प्रविधि सहितका कम्पनीलाई धेरै अवसरको विकास भइरहेका छन् । अलिबाबा क्लाउडको विश्वव्यापी पूर्वाधारको मद्दतबाट कम्पनीले आफ्नो भौगोलिक पहुँचलाई अन्तर्राष्ट्रिय जगत्मा विस्तार गर्न सक्ने छन् र विश्व बजारमा राम्रो प्रतिस्पर्धी बन्न सक्ने छन् ।

‘अलिबाबा क्लाउड डिजिटल युगका अवसरको उपयोग गर्न भविष्य प्रमाणित प्रविधिहरू जुन हामी सञ्चालन गर्दछौं, त्यसलाई बजारमा उपलब्ध गराएर सबै खाले व्यवसायको सशक्तीकरणका लागि सदैव समर्पित छ । हाम्रो लक्ष्य नेपालमा सबै खाले व्यवसायले प्राथमिकतामा राखेको क्लाउड सर्भिस सेवा प्रदायक बन्ने रहेको छ र यसको लागि हामीले टेलिनेटको स्थानीय विज्ञसँग हातेमालो गरेर क्लाउड सोलुसनका सम्पूर्ण सेवा प्रदान गर्ने नीति लिएका छौं । पूर्ण जानकार र राम्रो सम्पर्क भएको स्थानीय विज्ञ साझेदारसँगको सहकार्यले हामीलाई बजार विस्तारमा सहयोग पुग्नेछ । साथसाथै अलिबाबा क्लाउडको पकडलाई थप शक्ति पनि मिल्नेछ जब यस डिजिटल युगमा स्थानीय कम्पनीलाई अन्तर्राष्ट्रियकरण गर्न र अवसर खोस्नमा सहयोग गर्ने अवस्था आउँछ,’ अलिबाबा क्लाउड इण्डियाका जनरल म्यानेजर डा. एलेक्सले भने ।

‘हामी नेपालमा अलिबाबा क्लाउडसँग साझेदार गर्न पाएकोमा अति नै उत्साहित छौं । हामीले नेपालका विभिन्न क्षेत्रमा क्लाउड आधारित उत्पादनको बढ्दो मागलाई देखेका छौं । विगत ५ वर्षमा नेपालमा वेवको विकास, ईकमर्स र प्रविधिजन्य कम्पनीको ठूलो संख्यामा भएको विकासलाई नजिकबाट नियालेका छौं । आज नेपालको इन्टरप्राइज व्यापारले नवीन प्रविधिलाई छिटो अँगाल्ने गरेको छ जस्तो कि क्लाउड जसले रणनीतिक व्यापारिक लाभ उपलब्ध गराउँछ र यो माग बढ्दो रुपमा देखा पर्दै गएको छ । अलिबाबा क्लाउडसँग भएको यो साझेदारीले हाम्रा इन्टरप्राइज ग्राहकका लागि हाम्रो डिजिटल क्षमता अझ विस्तार गर्नेछ । साथै हामी हाम्रो च्यानल पार्टनर इकोसिस्टमसँग पनि सहकार्य गर्न लालायीत छौं । जसले गर्दा प्रयोगकर्तालाई उत्तम छनौट र बढी लचिलो अफरमार्फत् सम्पूर्णता सहितको उत्कृष्टता प्रदान गर्न सकियोस्,’  टेलिनेट प्रालिका अध्यक्ष प्रतिक जलान मन्तव्यका क्रममा भने ।

अलिबाबा क्लाउडसँग अहिले विश्वभर रहेका १८ वटा आर्थिक केन्द्रमा ४९ वटा उपलब्धता क्षेत्र रहेका छन्, यसको पहुँच क्षेत्र चीन, हङकङ, सिंगापुर, जापान, अस्ट्रेलिया, मध्यपूर्व, युरोप, भारत र यु एस (पूर्वी र पश्चिमी कोस्ट) भित्र पर्दछन् ।

अलिबाबा क्लाउडको संक्षिप्त परिचय :

सन् २००९ मा स्थापित अलिबाबा क्लाउड अलिबाबा समूहको क्लाउड कम्प्यूटिङ शाखा हो । गार्टनरका अनुसार विश्वको प्रमुख ३ आईएएएस प्रदायकमध्ये एक यो कम्पनी आईडीसीका अनुसार चीनमा सार्वजनिक क्लाउड सेवाको सबैभन्दा ठूलो सेवा प्रदायक हो ।

अलिबाबा क्लाउडले विश्वभरका व्यवसायलाई क्लाउड कम्प्यूटिङ सेवाको एकमुष्ठ सेट प्रदान गर्दछ, जसमा व्यापारीले अलिबाबा ग्रुप बजार स्थल, स्टार्ट–अपस्, कर्पोरेसन र सरकारी निकायमा व्यवसाय गरिरहेका छन् । अलिबाबा क्लाउड अन्तर्राष्ट्रिय ओलम्पिक कमिटीको औपचारिक क्लाउड सेवा साझेदार हो ।