काठमाडौं। रेखा थापाको अभिनय तथा निर्देशन रहेको चलचित्र ‘मालिका’ सेन्सर पास भएको छ । चलचित्रलाई सेन्सर वोर्डले युनिर्भसल प्रमाण पत्र उपलब्ध गराएको छ ।

बाल विवाह विरुद्धको आवाज उठाउने चलचित्र तिहारलाई लक्षित गरि कात्तिक १६  गतेबाट देशब्यापी प्रदर्शनमा आउँदैछ । सेन्सर बोर्डले ‘मालिका’लाई युनिर्भसल सर्टिफिकेट दिएसंगै यो चलचित्र सबै उमेर समुहका दर्शकले हेर्न पाउनेछन् । चलचित्रमा रेखासँगै जाजरकोटटी चौध वर्षिय बालिका कमला वली मुख्य भूमिकामा छन् ।

चलचित्रमा रेखा र नरबहादुर कार्कीको कथा, शिवम अधिकारीको पटकथा छ । चलचित्रको निर्मातामा सरस्वति थापा र कार्यकारी निर्मातामा नर कार्की रहेका छन् ।