काठमाडौं– चर्चित संगीतकार अर्जुन पोखरेल शनिबार एकल साँझमा गुञ्जिएका छन् ।

संगीत क्षेत्रमा व्यवसायिक रुपमा आवद्ध भएको करिव एक दशक लामो सांगीतिक यात्रापछि विन्दवासिनी फाउन्डेशनको आयोजनामा शनिबार राष्ट्रिय नाचघरमा आयोजित ‘विन्ध्बासिनी संगीत साँझ’मा पोखरेल गुञ्जिएका हुन । एकल साँझमा पोखरेलका साथमा चर्चीत गायक–गायिकाहरु, अञ्जु पन्त, सुगम पोखरेल, मञ्जु पौडेल, सुरेश लामा, सन्तोष लामा, स्वेच्छा ठकुरी, दुर्गा खरेल, निशान भट्टराईले चर्चित गीत गाएका थिए ।

कार्यक्रममा गायिका अञ्जु पन्त र सुगम पोखरेलले ‘तिमि रोएको पल’, ‘म यस्तो गीत गाँउछु’, ‘भन्छु आज’ लगायतका गीत प्रस्तुत गरेका थिए । 

लामो व्यवसायिक संगीत यात्रापछिको भव्य सांगीतिक माहोलमा आफ्ना प्रस्तुतीहरु प्रस्तुत गर्न पाउँनु आफ्ना लागि ठूलो अवसर रहेको संगीतकार पोखरेलले बताए । प्रेम कथानक चलचित्रहरुमा उत्कृष्ट पाश्र्व संगीत पस्कदै आएका पोखरेलका दजनौं चर्चित गीत संगीतहरु नेपाली बजारमा संग्रहीत छन् ।