चैत १९, २०७५
काठमाडौं – अफ्रिकी मुलुक मोजाम्बिकमा इडाइ आँधीको प्रकोपपछि हैजा फैलिएको छ । आँधीप्रभावित क्षेत्रमा कम्तीमा १ हजार ५२ जना प्रभावित भएका छन् । विगत चार दिनदेखि संक्रमण तीव्र गतिमा फैलिएको छ ।&nbs...
असोज २८, २०७५
काठमाडौं — किम जोङ–उन सन् २०१८ मा हेडलाइनहरूमा छाएका छन् । कहिले उनी आणविक युद्धको धम्की दिइरहेका भेटिन्छन् र डोनल्ड ट्रम्पसँग शाब्दिक लडाईं लड्न व्यस्त हुन्छन् भने कहिले उनी शान्ति सम्झौता गरेर प्रसिद्ध भइदिन्छन् । तर प्रत्येकपटक उनी समाचार बन्दा दुईजना अनपेक्षित लाभार्थीको फोन बज्ने गर्छ ।
हङकङमा बस्ने राजनीतिक व्यंग्यकार हावर्ड एक्स र सउलमा बस्ने मिनयोङ किम आफूहरूलाई किम जोङ–उनका रूपधारी संघका दुईजना मात्र सदस्य मान्छन् ।
विगत ६ वर्षदेखि यी दुईजनाले उत्तर कोरियाली नेतासँग अनुहार मिलेका कारण पैसा कमाइरहेका छन् । उनीहरू दिनको १५ लाख रुपैयाँभन्दा बढी कमाइरहेका छन् । भिडियो गेममा खेल्न, शपिङ मलको उद्घाटन गर्न र
अर्बपतिहरूका जन्मदिनका पार्टीमा पाहुनाको मनोरञ्जनका लागि उनीहरू पुग्ने गरेका छन् ।
‘किम जोङ–उनले क्षेप्यास्त्र प्रहार गर्दा वा ट्रम्पलाई खुस्केट बूढो भन्दा मेरो फोनमा जागिरको अफर आउँछ,’ हावर्ड भन्छन् । ‘अफर जहिले पनि अन्तिम समयमा आउँछ, कहिलेकाहीँ २४ घण्टाको म्यादमा आउँछ । अनि जे पनि गर्नुपर्ने हुन्छ ।’
मिनयोङ केन्टकी फ्राइड चिकनको नयाँ विज्ञापनको शूटिङका लागि सम्झौता गरिरहेका छन् भने हावर्डलाई हालै मकाउमा एउटा समारोहमा ट्रम्प र पुटिनको नक्कल गर्ने कलाकारहरूसँग देखिने गरी नियुक्त गरिएको छ ।
‘उनीहरूले ठूलो क्षेप्यास्त्रको आकारमा केक बनाएका थिए र हामी तीनजनाले त्यसलाई खोल्नुपर्ने थियो,’ उनले भने ।
किम जोङ–उन सन् २०११ को डिसेम्बरमा सत्तामा आउँदा मिनयोङ दक्षिण कोरियामा सैन्य सेवामा थिए ।
‘त्यो अत्यन्तै तनावको स्थिति थियो,’ उनी सम्झिन्छन्, ‘प्रत्येकपटक किमले केही भने वा गरेमा मभन्दा माथिका र तलका अधिकारीहरू आएर यो सबै तिमीले गर्दा भएको हो किनकि तिमी ऊजस्तै देखिन्छौ भन्थे ।
सैन्य सेवा सकेपछि उनले उत्तर कोरियाली नेतासँगको सारूप्यलाई अँगाल्ने निर्णय गरे । हालोवीनमा उनले स्थानीय हजामलाई किम जोङ–उनको जस्तो गरी कपाल कटाउन लगाए, एउटा सस्तो कालो सुट किने अनि सउलको
होङदाए जिल्लातिर गए ।
त्यहाँ उनको भव्य स्वागत भयो ।
‘हजारौं मानिसले मसँग तस्वीर खिचाए र अर्को दिन म त टीभीमा छाएँ,’ उनले भने, ‘एक महिनाभित्र कम्पनीहरूले मलाई विज्ञापनको शूटिङका लागि अनुरोध गरे ।’
हावर्ड पनि यसैगरी रातारात प्रसिद्ध भएका हुन् । उनले आफूलाई किम जस्तो देखाएर फेसबूकमा अप्रिल फूलको दिनमा तस्वीर राखे । ती तस्वीरहरू भाइरल भए र उनको करीयर शुरूआत भयो तर उनलाई सही रूपमा कपाल
कटाउन संघर्ष गर्नुपरेको थियो ।
यी दुई कलाकारहरूको शैली पूरै फरक छ । मिनयोङले किशोर अवस्थामा अभिनेता बन्ने सपना देखेका थिए र पछि अर्थशास्त्रमा स्नातकोत्तर गरे । उनले किमको बोल्ने शैली र हाउभाउ दुरुस्त उतार्ने गरेका छन् ।
हावर्ड चाहिँ अस्ट्रेलियामा हुर्केका हुन् र कोरियाली भाषा बोल्दैनन् । उनी लाज नमानिकन उत्तेजक कुरा गर्छन् । उनले सिंगापुरमा दर्शकहरूलाई स्तब्ध बनाउँदै सोध्छन्, ‘कुन तानाशाह राम्रो देखिन्छ ः म कि तिमीहरूको
प्रधानमन्त्री ?’
‘खराब व्यक्तिको प्रतिरूप लिने कलाकारका रूपमा तपाईं त्यस्ता कुरा गर्न सक्नुहुन्छ जुन ओबामाका प्रतिरूपधारीले गर्ने आँट गर्दैनन्,’ हावर्ड भन्छन् । ‘त्यसैले मेरा लागि कुनै पनि कुरा वर्जित छैन । मैले कडा अनि स्तब्ध बनाउने
कुरा गर्न सक्छु र त्यो पनि रमाइलो सुनिन्छ किनकि त्यो किम जोङ–उनको चरित्रबाट आएको हो ।’
बीबीसीबाट
काठमाडौं – अफ्रिकी मुलुक मोजाम्बिकमा इडाइ आँधीको प्रकोपपछि हैजा फैलिएको छ । आँधीप्रभावित क्षेत्रमा कम्तीमा १ हजार ५२ जना प्रभावित भएका छन् । विगत चार दिनदेखि संक्रमण तीव्र गतिमा फैलिएको छ ।&nbs...
दोहा– खाडी क्षेत्रका छिमेकीबाट नाकाबन्धी खेपिरहेको इन्धनमा धनी राष्ट्र कतारले आगामी पाँच बर्षमा अमेरिकी उर्जा क्षेत्रमा २० अर्ब अमेरिकी डलरभन्दा बढी लगानी गर्ने बताएको छ । दोहामा भएको दुई दिन लाम...
काठमाडौं – रुसी उड्डयन उद्योगकी प्रभावशाली महिलाको नातालिया फिलेवा दक्षिणपश्चिम जर्मनीस्थित एजेलवाश शहरमा भएको विमान दुर्घटनामा परी निधन भएको छ । ६ सीट भएको विमानमा पाइलटसँगै नातालिया र उनका...
काठमाडौं, २० माघ– भारत पञ्जाबको मुक्तसर जिल्लामा एक व्यक्तिले फेसबुक लाइभको क्रममा आत्महत्याको प्रयास गरेका छन् । मुक्तसर जिल्लाको भुट्टीवाला गाउँका गुरुतेज सिंहले फेसबुक लाइभको क्रममा आफैंलाई गोली हानेर आ...
भारत- भारतीय लोकसभा निर्वाचनको मिति घोषणा भएको छ । बीबीसी हिन्दीका अनुसार भारतीय लोकसभाको निर्वाचनको सात चरणमा हुने भएको छ । लोकसभा निर्वाचन ११ अप्रिलबाट शुरू भएर १९ मे सम्पन्न हुने भारतीय सञ्च...
बर्लिन- फ्रान्सका राष्ट्रपति इमानुएल म्याक्रोँले विश्वलाई अस्तव्यस्तताबाट जोगाउन यूरोपको पुनजागरण आवश्यक रहेको बताएका छन् । आइतबार बर्लिनमा भएको एक कार्यक्रमका बाेल्दै फ्रान्सका राष्ट्रपति म्याक्रोँले भने, “यूरो...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...