काठमाडौं — हनीमून मनाउन गएको एक जोडीले रक्सीको नशामा गरेको काम पढ्दा छक्क पर्नुहुनेछ । नशाको सुरमा जोडीले होटल नै किनिदिएको छ ।

घटना श्रीलंकामा भएको हो । भर्खरै बिहे गरेको बेलायती जोडी गिना लायन्स र मार्क ली हनीमून मनाउन गएका थिए । उनीहरूले होटलमै १२ पेग रम पिए । नशाले चुर भएर उनीहरूले आफू बसेको होटल नै किन्ने निर्णय गरे । 

बेलायती पत्रिका द मिररमा छापिएको खबरअनुसार, श्रीलंकाको तांगालेमा गिना र मार्क जुन होटलमा बसेका थिए त्यसको लीज सकिने बेला भएको रहेछ । उनीहरूले नशाकै सुरमा होटल आफूले लीजमा लिने निर्णय गरे । 

नशामै उनीहरूले हिसाब लगाए र एक बिजनेस प्लान पनि बनाए । अनि दुवैले होटल मालिकलाई उनीहरूले ४६ लाख रुपैयाँको अफर गरे र मालिकले त्यसलाई स्वीकारे पनि । 

त्यसपछि उनीहरूले २३ लाख रुपैयाँ पहिलो वर्ष अनि बाँकीको २३ लाख रुपैयाँ दोस्रो वर्ष चुक्ता गर्ने कुरा गर्दै डीmल फिक्स गरे । 

उनीहरू बेलायत फर्केपछि परिवारका सदस्य र साथीहरूले दुवैलाई मूर्ख भने र होटल किन्ने निर्णयलाई गलत भने । आधिकारिक रूपमा यसै वर्षको जुलाई महिनादेखि गिना र मार्क होटलका मालिक भइसकेका छन् । उनीहरूले
होटलको नाम परिवर्तन गरेर लकी बीच तंगाले राखेका छन् ।

एजेन्सी