काठमाडौं। चलचित्र ‘शान्ति’मा समावेश ‘बलेसीमा पानी खस्यो’ बोलको गीत सार्वजनिक भएको छ । 

 आगामी मंसिर १४ गते रिलिज हुने चलचित्रको सार्वजनिक गीतको भिडियोमा सुशिल क्षेत्री र निशा पोमु फिचरिङ छन् । 

दिनेश लिङदेनको शब्द, विकास चौधरीको संगीत रहेको गीतमा विकास तथा सशिका राईको स्वर छ । भिडियोको कोरियोग्राफी जनक राईले गरेका हुन । वैदेशिक रोजगारीमा नेपालीहरूको यथार्थता, पारिवारिक, सामाजिक एवम् प्रेमकथालाई प्रस्तुत गरेको चलचित्रको निर्देशक दिनेश लिङदेन हुन ।

चलचित्रमा सुशिल क्षेत्री, निशा पोमु, सुप्रिया श्रेष्ठ, सन्जिब थेबे, सुदिता लिङदेन, बालदिप राई, शर्मिला शर्मा, खुस्बु चेम्जोङ, अजय खडका, प्रदिप योङहाङ, महेन्द्रकुमार राई, सुमित्रा अधिकारी लगायतको अभिनय छ । चलचित्रमा विकास चौधरीको संगीत, जनक कार्कीको नृत्य, राजु किराँती, ज्ञानु राईको छायांकन र मेग मगरको सम्पादन छ ।

शान्ति वखिम थेबे निर्माता तथा बसन्त थेवे कार्यकारी निर्माता रहेको चलचित्रमा कविता राई लिङ्देन प्रस्तुतकर्ता छिन् ।