काठमाडाैं-विद्युत् प्रणालीमा रहेको जलविद्युत्को एकाधिकार तोड्दै बल्ल मिश्रित ऊर्जाको कार्यान्वयन अघि बढेको छ । 
१ सय ७ वर्षअघि जलविद्युत् आयोजनाको निर्माण सुरु भएपनि १ सय वर्षभन्दा बढी प्रणालीमा जलविद्युत्को मात्र हिस्सा रहेकोमा विस्तारै मिश्रिततिर अघि बढेको हो । 

हाल १ हजार २० मेगावाट विद्युत् उत्पादन क्षमता रहेकोमा १.५ मेगावाटमात्र सौर्य ऊर्जा (सोलार) हिस्सा रहेपनि पछिल्लो समयमा जलविद्युत्बाहेक सोलार, वायोमास, वायु र बगास (उखुको खोस्टा) बाट विद्युत् उत्पादन गर्ने आयोजनाहरू बढेका छन् । 
लामो समयदेखि जलविद्युत्मा मात्र निर्भर रहेको प्रणालीलाई मिश्रित बनाउने भनिएपनि २०७२ सालमा सरकारले सार्वजनिक गरेको १० वर्षमा १० हजार मेगावाट उत्पादन गर्ने लक्ष्यसहितको ऊर्जा संकटकाल कार्ययोजनामा तथा ६ महिना अघि ऊर्जा, जलस्रोत तथा सिँचाइमन्त्री वर्षमान पुनले सार्वजनिक गरेको यस क्षेत्रको वर्तमान अवस्था र भावी मार्गचित्रसहितको श्वेतपत्रका समेत मिश्रित ऊर्जाबारे उल्लेख छ । काराेबार दैनिकमा खबर छापिएकाे छ ।