काठमाडौं – ‘योर पार्टनर फर प्रोग्रेस’ भन्ने नारालाई शीरोधार्य गरी अनवरत रूपले नेपाली जनताको घरदैलोमा बैंकिङ सेवा पुर्याउँदै आएको सिटिजन्स बैंक इन्टरनेसनल लिमिटेडले काठमाडौंको मध्य वानेश्वरमा रहेको ग्लोबल कलेज अफ म्यानेजमेन्टमा एटीएम सेवा सञ्चालनमा ल्याएको छ । 

सेवाले गर्दा मध्य वानेश्वर क्षेत्र र वरपरका जनताको बैंकसँगको पहुँच बढ्ने विश्वास बैंकले लिएको छ । सिटिजन्स बैंक इन्टरनेसनल लिमिटेडले देशैभरी फैलिएका आफ्ना ८० वटा शाखा, ७६ वटा एटीएम र ९९ वटा शाखारहित बैंकिङ इकाईबाट करीब ३ लाख ५० हजार ग्राहकवर्गलाई आधुनिक बैंकिङ सेवा प्रदान गर्दै आएको छ ।

ग्राहकलाई विभिन्न किसिमका निक्षेप तथा कर्जा सुविधा, रेमिट्यान्स सेवा, बैंकास्योरेन्स, आस्बा, ड्राफ्ट, भिसा एटीएम कार्ड सेवा, भिसा इन्टरनेसनल डलर कार्ड सेवा, कुनै पनि शाखाबाट रकम झिक्न र राख्न सकिनेजस्ता सुविधा पनि उपलब्ध गराउँदै आएको छ ।