काठमाडौं– ३८ क्विन्टल सुन तस्करी तथा सनम शाक्य हत्या मुद्दाका एक मुख्य अभियुक्त बेनु श्रेष्ठलाई जिल्ला प्रहरी कार्यालय मोरङमा पठाउने तयारी भएको छ । संयुक्त अरब इमिरेट्स (युएई)बाट पक्रेर श्रेष्ठलाई आइतबार नेपाल ल्याइएको थियो ।

श्रेष्ठसँग सामान्य सोधपुछ गरेर आजै मोरङ जिल्ला अदालतमा हाजिर गराउने तयारी भएको स्रोतले जनाएको छ । उनलाई अहिले महानगरीय प्रहरी वृत्त, गौशालाको हिरासतमा राखिएको छ । 

अन्तर्राष्ट्रिय प्रहरी अपराध संगठन (इन्टरपोल)ले रेड नोटिस जारी गरेका श्रेष्ठलाई लामो प्रयासपछि पक्राउ गरेर नेपाल ल्याउन प्रहरी सफल भएको हो । उनीविरुद्ध गत वैशाखमा फरार अभियुक्तका रूपमा मुद्दा दायर गरिएको थियो । श्रेष्ठ युएईको दुबई सहरमा बसेर सुन तथा हुन्डीको कारोबारमा संलग्न व्यक्ति हुन् । 

श्रेष्ठमाथि गोरे समूहले ३ वर्षमा गरेको करिब ३८ क्विन्टल सुन तस्करीमा दुबई बसेर सेटिङ मिलाउने गरेको आरोप छ ।