श्रीमतीलाई पानीमा भिजाएर आफूले मात्र छाता ओढे ट्रम्पले, भयो आलोचना (भिडियो)

कात्तिक ५, २०७५

काठमाडौं — सामाजिक सञ्जालमा अहिले दुईवटा भिडियो चर्चाको विषय बनेका छन् । दुवै भिडियोको समान कुरा छाता हो । 

एउटा भिडियो अमेरिकाका राष्ट्रपति डोनल्ड ट्रम्पको हो भने अर्को बेलायती राजकुमार ह्यारीकी पत्नी मेगन मार्कलको । 

ट्रम्पको भिडियोमा उनले हातमा छाता बोकेको देखिन्छ तर पत्नीसँग शेयर गरेको देखिँदैन । ट्रम्प ह्वाइट हाउस बाहिर पानी परिरहेको अवस्थामा छाता बोकेर उभिएका देखिन्छन् । उनी मिडियासँग कुरा गरिरहेका छन् । 

पछि मेलानिया उनको हात समातेर गइरहेको देखिन्छ तर ट्रम्पले उनलाई छाता ओढाउँदैनन् । 

अर्को भिडियोमा मेगन मार्कलले प्रिन्स ह्यारीसँग बर्खामा छाता शेयर गरेको देखिन्छ । यो भिडियो अक्टोबर १७ मा अस्ट्रेलियाको भिक्टोरिया पार्कमा भएको कार्यक्रममा लिइएको हो । भिडियोमा प्रिन्स ह्यारी मानिसहरूसँग कुराकानी
गरिरहेको र मेगन छाता समातेर उभिएको देखिन्छिन् । 

यी भिडियोहरू हेरेर मानिसले ट्रम्प बेसोमती भएको टिप्पणी गरिरहेका छन् भने मेगनको खुबै प्रशंसा गरिरहेका छन् ।


ADVERTISEMENT



एजेन्सी
 

 

कात्तिक ५, २०७५ मा प्रकाशित

प्रतिक्रिया दिनुहोस