काठमाडौं– ठगी मुद्दा सर्वोच्च अदालतमा पुनरावेदन नगरी मिलाइदिने भन्दै प्रतिवादीबाट घुस लिने उच्च सरकारी वकिलविरुद्ध भ्रष्टाचार मुद्दा दर्ता भएको छ । 

उच्च सरकारी वकिलको कार्यालय पोखराका सह–न्यायाधीवक्ता सुरेन्द्रबहादुर थापाविरुद्ध अख्तियार दुरुपयोग अनुसन्धान आयोगले मंगलवार विशेष अदालतमा भ्रष्टाचार मुद्दा दायर गरेको हो । 

थापाले ठगी मुद्दाका प्रतिवादीलाई उच्च अदालतको फैसलाविरुद्ध सर्वोच्च अदालतमा मुद्दा पुनरावलोकन नगराउने प्रलोभन दिएर ५ लाख रुपैयाँ घुस लिएका थिए । अख्तियार दुरुपयोग अनुसन्धान आयोगको टोलीले थापालाई कार्यालय परिसरबाटै घुससहित पक्राउ गरेको थियो । 

थापाविरुद्ध ५ लाख रुपैयाँ बिगो दाबी गर्दै कैद र जरिवानाको सजाय मागसहित बुधवार मुद्दा दायर गरिएको अख्तियार दुरुपयोग अनुसन्धान आयोगका प्रवक्ता रामेश्वर दंगालले जानकारी दिए ।