काठमाडौँ– नारायणहिटी सङ्ग्रहालयमा राजाहरुले प्रयोग गर्ने गरेको श्रीपेच प्रदर्शनमा राखिएपछि श्रीपेच अवलोकन गर्न जानेहरुको चाप ह्वात्तै बढेको छ ।  

श्रीपेच प्रदर्शनपछि दैनिक दुइहजार अवलोकनकर्ता सङ्ग्रहालय प्रवेश गरिरहेका छन् ।
 श्रीपेच नहुँदा सरदर दैनिक एकहजारको हाराहारीमा अवलोकनकर्ता नारायणहिटीमा जाने गरेका थिए ।
असोज २९ गते प्रधानमन्त्री केपी शर्मा ओलीले अवलोकन गरेसँगै नयाँ व्यवस्था अन्तरगत कात्तिक ४ गतेबाट श्रीपेच सर्वसाधारणका लागि अवलोकन खुला गरिएको थियो । नारायणहिटी दरवारको सुर्खेत र रुपन्देही कक्षमा श्रीपेच, राजदण्ड, सुनको झारी लगायतका सामग्री प्रदर्शनमा छन् । गोरखापत्र दैनिकमा खबर छापिएको छ ।