माघ २०, २०८०
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
सुर्खेत – लेकबेसी नगरपालिका–६ बाघखोरका करीब साढे ७ सय सहकारीका शेयर सदस्य किसानले उत्पादन गरेको गहुँको बीउ खेर जाने अवस्थामा पुगेको छ ।
कर्णालीका धेरै जिल्लाका किसानले गहुँको बीउ छरिसकेपछि गत वर्ष बाघखोरका किसानले उत्पादन गरेको ६५ मेट्रिक टन गहुँको बीउमध्ये १० मेट्रिक टन किसानको घर र समृद्धि कृषि सहकारी संस्थाको गोदाममा बिक्री नभएका कारण थन्किएको हो ।
यसअघि किसानले उत्पादन गरेको बीउ तनहुँ र कर्णालीका अन्य जिल्लामा जाने गरेको थियो । उतिबेला किसानलाई बीउ पुर्याउनै मुस्किल हुने गरेको थियो ।
गहुँ छर्ने समय अन्तिम अवस्थामा आइसकेको बताउँदै बाघखोरस्थित समृद्धि कृषि सहकारी संस्थाका अध्यक्ष देवबहादुर रानाले यो वर्षको बीउ अर्को वर्ष काम नलाग्ने भएका कारण किसानलाई क्षति हुने निश्चितप्रायः भएको बताए ।
‘विगतमा जिल्ला कृषि विकास कार्यालय, क्षेत्रीय कृषि विकास कार्यालयले हाम्रो बीउको प्रचारप्रसार गर्नुका साथै ग्राहक खोजेर सिफारिस गरेर पठाउने र हामीलाई बीउ उत्पादनमा प्रोत्साहन दिने गरेको थियो,’ उनले भने, ‘तर नयाँ संरचनामा देश गइसकेपछि गत वर्ष हाम्रो मकै र धानको बीउ खेर गयो, हामीले मकै र मसुरोको बीउ उत्पादन गर्न बन्द गरेर गहुँको बीउ उत्पादन गर्यौं । तर यो वर्ष पनि गहँुको बीउ बिक्री नभएपछि अब हामीले किसानलाई कसरी क्षतिपूर्ति दिने भन्ने चिन्ता लागेको छ ।’
गत वर्ष किसानले २२ हेक्टर जमिनमा गहुँको बीउ उत्पादन गरेका उनले बताए । बाघखोरका किसानले सुर्खेत जिल्लालाई गहुँ, मकै, तोरी र धानको बीउमा आत्मनिर्भर बनाउने योजनाका साथ दक्ष प्राविधिकले जाँच गरेर ग्रेडिङ गराई बीउ प्याक गर्ने गरिएको र त्यसलाई बजारमा ८० रुपैयाँ प्रतिकिलोका दरले पठाउने गरिएको थियो । उनले भने, ‘बरु हाम्रा किसानले भारत तथा अन्यत्रबाट आएको हाइव्रिडको नाउमा ८ सय रुपैयाँ प्रतिकिलो गहुँको बीउ किनेर बारीमा छर्न थाले । तर हामीले उत्पादन गरेको यहाँको हावापानी सुहाउँदो र स्तरीय बीउको बजारमा कसैले माग नै गरेन ।’
सहकारीले भनेका कारण किसानले गहुँको बीउ उत्पादन गरेका र बीउ किन्नैपर्ने बाध्यता रहेको उनले बताए । ‘हामीले किसानको घरमा रहेको १० मेट्रिक टन गहँुको बीउ खरिद गर्नुपर्ने बाध्यता आएको छ । यदि हामीले किसानको घरबाट गहुँ खरिद नगरे अर्को पटक किसानले गहुँको बीउ उत्पादन गर्ने छैनन् र हामी गहँुको बीउ फेरि बाहिरबाट आयात गर्नेतर्फ अग्रसर हुने सम्भावना छ,’ उनले भने, ‘यसले यो पालि हाम्रो सहकारीलाई नोक्सान भएकोजस्तो देखिएपनि देशलाई नै घाटा हुने निश्चित छ । हामीले कृषिलाई यदि आत्मनिर्भरताको प्रतिक, समृद्धिको आधारको रुपमा प्रचार गर्छौं भने कृषि पेशामा आवद्ध भई उत्पादन गरिएको खाद्यान्नको कसले बजारीकरण गर्ने ? आँगनमा भएको स्थानीय र प्रदेश सरकारले यसको बारेमा आवश्यक बजारीकरण र किसानलाई राहत दिने काम गर्ने कि नगर्ने ?’
किसानले उत्पादन गरेका हरेक वस्तुमा राज्यले सहुलियत दिनुपर्नेमा उनले जोड दिए । ‘किसानले मेहनत गरेर उब्जाउ गर्ने तर राज्यले भने उनीहरूलाई प्रोत्साहन तथा बजारीकरणमा सहयोग नगर्ने हो भने कृषि पेशामा युवाको आकर्षण कसरी बढाउन सकिएला ?’ अध्यक्ष रानाले भने, ‘यसबारेमा सरकारले सोच्न जरुरी छ ।’
प्रदेश सरकारका भूमि व्यवस्था, कृषि तथा सहकारी मन्त्री विमला केसीले किसानले उत्पादन गरेको बीउ गोदाममै सड्न नदिने प्रतिबद्धता जनाइन् । ‘हामी तपाईहरूले उत्पादन गर्नुभएको बीउ गोदाममा सड्न दिने छैनौं,’ उनले भनिन्, ‘काम गर्ने, उत्पादन गर्ने किसानमैत्री कर्णाली सरकार छ । हामी तपाईको गहँुको बीउ खरिद गर्नेछौं, सके बिक्री गरौंला नभए रोटी बनाएर खाऔंला ।’
सहकारीले खरिद गरेको बीउलाई कर्णाली प्रदेशमा मात्रै भएपनि यो पालि बिक्री वितरणको व्यवस्था मिलाइने उनले बताइन् ।
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...