काठमाडौं — बलिउडमा अहिले बिहेको समय चलिरहेको छ । यस्तोमा अर्जुन कपूर र मलाइका अरोराको अफेयर अनि सम्भावित बिहेको खबर पनि खुबै आइरहेको छ । 

केही दिनयता मलाइकाको बर्थडे पार्टीदेखि दीवालीको पार्टीसम्ममा अर्जुन र मलाइका सँगै देखिएका छन् । मलाइकाले एक पत्रिकासँग कुरा गर्दै सम्बन्धका बारेमा खुलेर कुरा गरेकी छन् ।

उनले भनिन्, ‘म व्यक्तिगत प्रश्नको उत्तर दिन्नँ । मलाई उत्तर दिँदा लाज लाग्ने भएर हैन तर म व्यक्तिगत जीवनको चर्चा गर्न असहज अनुभव गर्छु । मेरो जिन्दगीको बारेमा सबैलाई थाहा छ । मैले यस विषयमा कुरा गरिरहनुपर्दैन । म
आफ्नो जीवनको आनन्द उठाइरहेकी छु र यो एकदमै सुन्दर र अमूल्य छ ।’ 

मलाइका र अर्जुन लामो समयदेखि डेटिङ गरिरहेका छन् र सार्वजनिक स्थानमा हातमा हात राखेर कैयौंपटक देखिएका छन् । 

एजेन्सी