डिएसपी राईले स्थानीय व्यवसायी र केही सेवाग्राहीसँग सोनी कम्पनीको टिभी खरिद गरी ‘उपहार’ दिन भन्दै लगातार दवाव दिँदै आएका थिए । स्थानीय पसलबाट आफैंले टिभी खरिद गरेर ल्याएर बिल भुक्तानीका लागि डिएसपी राईले लगातार व्यवसायीलाई दवाव दिँदै आएका थिए । 

डिएसपी राईबाट पीडित भएका व्यवसायीले दिएको उजुरीका आधारमा अख्तियार दुरुपयोग अनुसन्धान आयोगले उनीमाथि निगरानी बढाएको थियो । 

अख्तियारबाट खटिएको टोलीले असोज २० गते (शनिवार) राईलाई १ लाख ४० हजार रुपैयाँ घुस रकमसहित पक्राउ गरेको थियो । 

अख्तियारले घुससहित रंगेहात पक्राउ परेका राईविरुद्ध १ लाख ४० हजार बिगो दावी गर्दै विशेष अदालतमा मुद्दा दायर गरेको हो ।