काठमाडौं–बलिउड स्टार रणवीर सिंह र दीपिका पादुकोणको बुधबार इटालीको लेक कोमोमा विवाह भएको छ । 
भारतीय सञ्चारमाध्यमहरुका अनुसार उनीहरुको विवाह कोंकणी–सारस्वत परम्पराअनुसार भएको हो । 
विवाहका क्रममा दीपिका सेतो र गोल्डेन कलरको साडीमा देखा परेकी थिइन् भने रणवीर सेतो आउटफिटमा देखिएका थिए । 
यसअघि मंगलबार लेक कोमोमा नै संगीत सेरेमनी र मेहेन्दी लगाउने कार्यक्रम भव्यताका साथ सम्पन्न भएको थियो । 
भारतीय सञ्चारमाध्यमहरुका अनुसार दीपिका रणवीरको विवाहमा निकै कम पाहुनालाई बोलाइएको छ । समाचारहरुका अनुसार विवाहमा करिब ३० जना नातेदार र साथीहरुलाई बोलाइएको छ । 
बलिउडबाट फराह खान, शाहरुख खान, सञ्जयलीला भन्सालीलाई मात्र बोलाइएको चर्चा भारतीय सञ्चारमाध्यमा छ । 
यस्तै  विवाह समारोहमा सहभागिलाई गोपनियताको कारण देखाउँदै मोबाइल तथा  क्यामरा लैजान प्रतिवन्ध लगाइयो ।

विवाहको तस्वीर सार्वजनिक नगर्न यसरी पाहुनालाई तस्बिर खिच्न नदिइएको समाचारमा जनाइएको छ । 
विहे इटालीमा भएपनि सिसेप्सन पार्टी नोभेम्बर २१ मा बैंगलुरु र अर्को रिसेप्सन २८ नोभेम्बरमा मुम्बईमा हुनेछ ।