जनकपुरधाम – धनुषाको विदेह नगरपालिका–५ मुरिवामा ६५ वर्षीय माने ठाकुरको हत्या भएको अवस्थामा शव फेला परेको छ ।

फिल्मी कथामा साक्षीको हत्या हुने गरेको घटना देख्न पाइने भएपनि मुरिवामा आपराधिक समूहले साँच्चिकै त्यस्तै घटना गराएको छ । स्थानीय विद्यालय नजिकै रहेको पोखरीमा ठाकुरको आँखामा छुरा घोपेर हत्या गरिएको अवस्थामा शव फेला परेको हो । 

गाउँकै एक महिलाको हत्या घटनामा ठाकुर बिहीवार जिल्ला अदालत धनुषामा वकपत्र दिन जाने तयारीमा रहेका थिए ।

अदालत जानु १ दिनअघि नै गाउँमै ठाकुरको हत्या भएको छ । मृतकका आफन्तका अनुसार स्थानीय बहादुर मण्डलले ४ दिनअघि ठाकुरलाई अदालतमा वकपत्र दिन नजान धम्की दिएका थिए । हत्या घटनाको विस्तृत विवरण आउन बाँकी छ ।