बलिउड अभिनेत्री करीना कपूर फेरि गर्भवती भएको चर्चा सामाजिक सञ्जालमा चलिरहेको छ । भारतीय सञ्चारमाध्यममा पनि यसबारे समाचारहरु सार्वजनिक भएका छन् । तर के उनी दोस्रो पटक आमा बन्न लागेकी हुन् त ?

करीना गर्भवती भएको भएको पुरानो तस्वीरहरु उनका फ्यानहरुले सामाजिक सञ्जालमा राख्दै करीना फेरि आमा बन्न लागेको बताइरहेका छन् । 

ट्वीटरका एक युजर अनिल कुमार रायले करिनाको प्रेग्नेन्सीवाला समाचार शेयर गर्दै लेखेका छन्,‘तैमुर पछि अब खिलजी ।’

केही अरु सामाजिक सञ्जाल प्रयोगकर्ताहरुले पनि यस्तै खालका पोस्टहरु सेयर गरेका छन् । तैमुरको सफल प्रोडक्सनपछि अब चंगेज खान आउन लागेका छन् या बाबर ? अर्का सामाजिक सञ्जाल प्रयोगकर्ता आशुतोषले लेखेका छन् । 

वास्तविकता के हो ?

वास्तवमा जुन तस्वीर सामाजिक सञ्जालमा सेयर भइरहेका छन् ती दुई वर्ष पुराना तस्वीर  हुन् । जब करिना कपुर आमा बन्न लागेकी थिइन् त्यतिबेलाका तस्वीरहरु अहिले सामाजिक सञ्जालहरुमा भाइरल भइरहेका छन् । 

करीना कपूर दोस्रोपटक गर्भवती भएको हल्ला यसपटक दोस्रो पटक सामाजिक सञ्जालमा फैलिइरहेको छ । यसअघि सेप्टेमबर महिनामा पनि यो यो अफवाह फैलिएको थियो । करिनाले भने अबको दुई वर्षपछि दोस्रो सन्तानबारे

सोच्न सुरु गर्ने बताएकी छिन् । उनले अहिले आफ्नो ध्यान तैमुरमा केन्द्रित भएको बताएकी थिइन् ।

करिनाले २० डिसेम्बर २०१६ मा तैमुरलाई जन्म दिएकी थिइन् ।