काठमाडौं — फूटबल हस्ती क्रिस्टियानो रोनाल्डोले आफ्नी प्रेमिका जर्जिना रोड्रिगेजलाई बिहेको प्रस्ताव गरेका छन् ।

स्पेनी सुन्दरी जर्जिनाले पनि हुन्छ भनेर बिहेको कपडा खोज्न थालेकी पोर्चुगलको लोकप्रिय पत्रिका कोर्रीयो दा मान्हाले छापेको छ । 

रोनाल्डो र जर्जिना इटलीमा सँगै बस्ने गरेका छन् र उनीहरूको एक वर्षे छोरी आलाना मार्टिना पनि छिन् ।

जर्जिनाले रोनाल्डोका तीन अन्य सन्तानलाई पनि हुर्काइरहेकी छन् । 

रोनाल्डो र जर्जिनाले लन्डनमा हालै रोमान्टिक डिनर गरेका थिए र उनीहरूले नयाँ कार्टीयर औंठी लगाएको देखिएको थियो । 

पत्रिकाका अनुसार, ‘बिहे छिट्टै हुँदैछ तर केही मानिसलाई मात्र सबै विवरण थाहा छ । जर्जिनाले बिहेको कपडा छान्न थालेको मात्र थाहा हुन सकेको छ ।’

रोनाल्डोले जर्जिनालाई मध्य मड्रिडमा रहेको गुच्चीको स्टोरमा भेटेका थिए । जर्जिनाले काम गर्ने उक्त स्टोरमा रोनाल्डो गर्मीको कपडा किन्न गएका थिए । 

एजेन्सी