पछिल्लो २४ घन्टामा विश्भर रहेका बलिउड फिल्मका फ्यानहरुलाई एक तस्वीरको प्रतिक्षा थियो जुन सार्वजनिक भएको छ । 

यो तस्वीर हो बलिउडका नयाँ जोडी दीपिका पादुकोण र रणवीर सिंहको विवाह । 

रणवीर सिंहले आफ्नो ट्वीटर एकाउन्टमा दुई तस्वीर राखेका छन् भने दीपिकाले आफ्नो इन्स्टाग्राममा तस्वीर पोस्ट गरेकी छिन् । 

रणवीरले पहिलो तस्वीर सार्वजनिक गरेका छन् त्यसमा रणलवीर रातो रंगको शेरवानीमा देखिएका छन् भने दीपिका पनि रातो रंगको लेंगामा देखिएकी छिन् । 

यो तस्वीरमा रणवीर र दीपिका टासिएर बसेका छन् । तस्वीरमा दीपिका गम्भीर देखिएकी छिन् । 

दोस्रो तस्वीरमा रणवीरले सोतो रंगको शेरवानी लगाएका छन् र दीपिका रणवीर तर्फ प्रफुल्लित मुद्रामा देखिएकी छिन् । 

रणवीर सिंह र दीपिका पादुकोणको विवाह बुधबार इटलीमा भएको थियो । दुबै फिल्म हस्तीले इटालीको लेक कोमामा कोंकणी रीति अनुसार विवाह गरेका थिए । 

विवाहमा केही नातेदार र साथीहरुलाई मात्र बोलाइएको थियो । जब यो विवाह भएको थियो त्यसबेलादेखि नै फिल्मी प्रशंसक उनीहरुको विवाहको तस्वीरको प्रतिक्षा गरिरहेका थिए ।