काठमाडौं — दीपिका पादुकोण र रणवीर सिंहको बिहेपछि रणवीरका पिता जगजीत भवनानीले बुहारीलाई फिल्मी शैलीमा बधाई दिएका छन् । 

उनले दीपिका र रणवीरको फिल्म बाजीराव मस्तानीको गीत ‘ये दीवानी मस्तानी हो गई’ सँग तुकबन्दी मिलाउँदै ये दीवानी तो भवनानी हो गई लेखे । 

रणवीरका पिताको लाइन पढ्दा त उनी छोरोभन्दा बढी फिल्मी जस्तो लाग्छन् । रणवीरको खास थर भवनानी हो तर उनी सिंह लेख्छन् । 

सामाजिक सञ्जालमा रणवीर र दीपिकालाई बधाईको ओइरो लागेको छ । 

उनीहरूको बिहे बुधवार र बिहीवार कोंकणी र सिन्धी रीतिरिवाजअनुसार भएको हो । 

दीपिका र रणवीर मिडिया र प्रशंसकहरूबाट टाढा लोम्बार्डीमा गरेका हुन् । दुवै परिवारले विवाह समारोहलाई प्राइभेट बनाएका थिए । बिहेमा ४० जना अतिथि मात्र आएको बताइन्छ । 

विवाहस्थलमा खुला ठाउँ आउनेबित्तिकै उनीहरू अनुहार छाताले ढाकिहाल्थे । 

अब उनीहरूको प्रीतिभोज बेंगलुरुमा २१ नोभेम्बरमा अनि मुम्बईमा २८ नोभेम्बरमा हुँदैछ । 

एजेन्सी