काठमाडौं — भारतीय हास्यकलाकार कपिल शर्मा आफ्नी प्रेमिका गिन्नीसँग डिसेम्बरमा बिहे गर्दैछन् । 

मुम्बई मिररको रिपोर्टअनुसार, गिन्नीको होमटाउनमा परम्परागत हिन्दू रीतिबाट बिहे हुँदैछ । जलन्धर नजिक रहेको फगवाडामा विवाह कार्यक्रम राखिएको छ । बिहेमा उनका परिवार र साथी हुनेछन् । बिहेपछि कपिलको होमटाउन अमृतसरमा प्रीतिभोज राखिनेछ । 

सूत्रहरूका अनुसार, बिहेको उत्सवको शुरूआत कपिलको दिदीको घरमा १० डिसेम्बरमा जगराताका साथ हुनेछ । डिसेम्बर १२ मा विवाह हुनेछ । त्यसपछि डिसेम्बर १४ मा अमृतसरमा प्रीतिभोज राखिनेछ । पछि चाहिँ कपिल र गिन्नी
इन्डस्ट्रीमा भएका आफ्ना साथीहरूका लागि विशेष पार्टी आयोजना गर्नेछन् । 

रिपोर्टअनुसार, कपिलले मुम्बईमा पनि प्रीतिभोज राख्ने सम्भावना छ । अमृतसर पुग्न नसक्नेहरूका लागि यो प्रीतिभोज राख्न लागिएको हो । सम्भवतः २४ डिसेम्बरमा प्रीतिभोज हुनेछ । अनि भोलिपल्टैबाट अर्थात् क्रिसमसको दिन कपिल
शर्माको शो टीभीमा फेरि आउनेछ ।

एजेन्सी