मुम्बई– रणवीर सिंह र दीपिका पादुकोण इटालीमा वैवाहिक सम्बन्धमा बाधिइसकेका छन् । उनीहरुको काँेकणी र सिन्धी परम्पराअनुसार विवाह भएको हो । विहेपछि रणवीरकी पत्नी अर्थात दीपिका पादुकोणको थप फोटो सार्वजनिक भएको छ । यसअघि रणवीर  र दीपिकाले एकसाथ विहेका दुई फोटो सार्वजनिक गरेका थिए । 

पछिल्लो फोटोमा दीपिका एकदम सिम्पल लुक्समा देखिन्छिन् । फोटोमा उनले सुनौलो किनारा भएको साडी परिरिएको देखिन्छ तर उनले न त सिउँदोमा सिन्दुर लगाएको देखिन्छ  न त गलामा मंगलशूत्र नै । यद्यपी उनले आकर्षक इयरलिङ भने लगाएको देख्न सकिन्छ ।

 सँगसँगै फोटोमा उनको साथ दुई महिला पाहुना पनि देख्न सकिन्छ ।  बिहेपछि रणवीर दीपिकाले इटालीमै एक भव्य पार्टीको आयोजना गरेको पनि समाचारमा उल्लेख छ ।

३ करोड भारुको औंठी

दीपिकाले इन्गेजमेन्टमा हिराको औंठी पहिरिएकी थिइन् । त्यसको मूल्य २ करोड ७० करोड हाराहारी भारु पर्ने भारतीय मिडियाहरुले जनाएका छन् ।  औंठी सिंगल सोलिटेष्र हिराको हो । 

१ करोड ७३ लाखमा रिसोर्ट बुक
दीपिका ररणवीरको बिहे इटालीको लेक कोमोमा भएको हो । रिपोर्टहरुका अनुसार रणवीर र दीपिकाले लेक कामोको पश्चिम गाउँमा पर्ने ब्लेविओमा एक भीआईपी रिसोर्टलाई बिहेको जग्या बनाए  । उनीहरु आफ्नो परिवारका साथ शनिबारसम्म यहीँ रहनेछन् । यहाँ बस्नका लागि रणवीरले १ करोड ७३ लाख भारु खर्च गरेको बताइएको छ । 

४ करोडको बोट
नयाँ विवाहित जोडीले ‘रोयल इन्टेज बोट’ भाडामा लिएका थिए । त्यसका लागि ४ करोड खर्च भएको बताइएको छ । सो बोटमार्फत जन्तीहरु बिहेमा सहभागि हुन गन्त्तब्य सम्म पुगेका थिए । खबरअनुसार नवजोडी १८ नोभेम्बरमा बेंगलुरु फर्कनेछ ।