मुम्बई । बलिउड अभिनेत्री अक्षरा हासनको निजी तस्बिर लिक प्रकरणमा नयाँ खुलासा भएको छ ।

प्रहरीका अनुसार फोटो लिक हुनुअघि तस्बिर अक्षराका पूर्वप्रेमी तनुज वीरमानीको मोबाइल फोनमा थियो । यो विषयमा प्रहरीले उनीसँग सोधपुछ गर्ने तयारी गरेको भारतीय सञ्चारमाध्यमले लेखका छन् । 

यता फोटो लिक प्रकरणमा तनुजका प्रवक्ताले एक स्पष्टिकरण सार्वजनिक गरेका छन् ।

सो स्पष्टिकरणमा अहिलेपनि तनुजको राम्रो सम्बन्ध रहेको र व्यक्तिगत तस्बिर सार्वजनिक प्रकरणले उनी मर्माहत भएको उल्लेख गरिएको छ । साथसाथै यस प्रकरणमा प्रहरी र अक्षरालाई सबै प्रकारणको सहयोग गर्न तयार रहेकोपनि तनुजले बताएका छन् । 

प्रवक्तले भनेका छन्– एक समय दुई बीच सम्बन्ध त थियो तर पछि आपसी सहमतिमा सम्बन्ध अन्त्य गरिएको थियो । अहिले प्रेमी–मैमिका नभएपनि सम्बन्ध राम्रो छ।

अक्षराको व्यक्तिगत तस्बिर सामाजिक सञ्जालमार्फत लिक भएको थियो । सो तस्बिर सार्वजनिक पछि ट्वीटरमार्फत अक्षराले आफूले प्रहरीमा उजुरी गरेको बताएकी थिइन् ।