काठमाडौं-    काठमाडौं महानगरपालिका-१४ कलंकी बस्ने मकवानपुर हेटौंडाकी १५ वर्षीया किशोरीलाई कलंकीस्थित अन्नपूर्ण होटलमा बुधबार राति जबरजस्ती करणी गरेको अभियोगमा काठमाडौं नगरपालिका-१३ बाफल बस्ने काभ्रे नवबुद्ध नगरपालिका-८ का १८ वर्षीय साजन अधिकारीलाई शुक्रबार बिहान प्रहरीले पक्राउ गरेको छ । 

    यसैगरी सुनसरी देवानगंज गाउँपालिका-७ रासी बस्ने ३० वर्षीया महिलालाई स्थानीय फार्ममा शुक्रबार बिहान जबरजस्ती करणी गरेको अभियोगमा सोही ठाउँ बस्ने दिपककुमार यादवलाई प्रहरीले पक्राउ गरेको छ ।

 दिपककुमार र सोही ठाउँ बस्ने २२ वर्षीय बालगोपाल यादवले जबरजस्ती करणी गरेको खबर प्राप्त भएपछि खटिएको प्रहरीले दिपककुमारलाई पक्राउ गरेको हो । फरार बालगोपालको प्रहरीले खोजी गरिरहेको छ । 

यस सम्बन्धमा स्थानीय प्रहरीले आवश्यक अनुसन्धान गरिरहेको बताइएको छ ।