नयाँ दिल्ली–दिल्लीको ताज प्यालेस होटलमा मंगलबार बलिउड अभिनेत्री प्रियंका चोपडा र निक जोनासले पहिलो रिसेप्सन दिएका छन् । 

रिसेप्सन कार्यक्रममा भारतीय प्रधानमन्त्री नरेन्द्र मोदी पनि नव विवाहितालाई बधाई तथा शुभकामना दिन पुगेको भारतीय सञ्चारमाध्यमहरुले उल्लेख गरेका छन् । 

रिसेप्सनमा निक र प्रियंकाको परिवारका साथै सेलिब्रेटीहरुको पनि सहभागिता रह्यो । उनीहरुले अर्को रिसेप्सन मुम्बईमा पनि दिने तयारी गरेको समाचारमा जनाइएको छ । यद्यपि मिति भने फिक्स भएको छैन । 

जोधपुरमा प्रियंका र निकको हिन्दु र क्रिश्चियन परम्पराअनुसार डिसेम्बर १ र २ मा विहे भएको थियो ।