पुस २१, २०८०
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
मंसिर २०, २०७५
काठमाडौं– नेपालको शैक्षिक इतिहाससँग जोडिएको त्रिचन्द्र कलेज पछिल्लो समय अस्तव्यस्त र भद्रगोलको नमूना बन्दै गएको छ ।
कलेजमा प्राध्यापक, सह–प्राध्यापक, उपप्राध्यापक र शिक्षण सहायक गरी २ सय ४७ जना ‘शिक्षक’ छन् । तर उनीहरू त्रिचन्द्रभन्दा बाहिरका निजी तथा संस्थागत कलेजमा बढी सक्रिय हुने गरेका छन् ।
राष्ट्रिय सतर्कता केन्द्रले गरेको छानबिनका क्रममा कलेजमा कार्यरत प्राध्यापक, सहप्राध्यापक, उपप्राध्यापक र शिक्षण सहायकमध्ये धेरैजना (तलब) पकाउन मात्रै कलेज आउने गरेको देखिएको छ ।
त्रिचन्द्र कलेजका शिक्षकदेखि कर्मचारीसम्मले कार्यालय समयको पालना समेत नगरेको सतर्कता केन्द्रको छानबिनबाट फेला परेको छ । यस्तै प्राध्यापकहरू कक्षा कोठामा सहभागी नै नहुने गरेको समेत सतर्कता केन्द्रले जनाएको छ ।
अस्तव्यस्तको नमूना
सतर्कता केन्द्रका अनुसार त्रिचन्द्र कलेजका भवनदेखि अन्य भौतिक संरचना समेत दयनीय अवस्थामा छन् । शौचालयहरू प्रयोग गर्न नसकिने अवस्थामा छन् । सरसफाइको अवस्थामा अत्यन्तै नाजुक रहेको सतर्कता केन्द्रले आफ्नो छानबिन प्रतिवेदनमा उल्लेख गरेको छ ।
क्याम्पसको भवन समेत जीर्ण हुँदै गएको छ । प्रयोगात्मक अभ्यासका लागि आवश्यक पर्ने सामग्रीदेखि रसायनसम्म पनि अपुग रहेको सतर्कता केन्द्रले औंल्याएको छ ।
कर्मचारी नियुक्तिमा अनियमितता
त्रिचन्द्र कलेजमा गणित, जलवायु, तथ्याङ्क, प्रणीशास्त्र, वातावरण, भूगर्भ, माइक्रोवायोलोजी, रसायनशास्त्र, भौतिकशास्त्र गरी १० वटा विभाग छन् ।
ती विभागका लागि १ सय ९७ जनाको दरबन्दी स्वीकृत भएकोमा १ सय ५१ जना स्थायी रूपमा नियुक्त छन् । रिक्त ४६ पदमा करारबाट नियुक्त गरिएको छ । तर करार कर्मचारी नियुक्तिमा आर्थिक अनियमितता भएको सतर्कताले जनाएको छ ।
त्रिचन्द्र कलेजमा १ सय ५० जना शिक्षण सहायक कार्यरत छन् । उनीहरूलाई पनि करारमा नियुक्त गरिएको हो ।
त्रिवि कर्मचारी सेवासम्बन्धी नियम १० को उपनियम (१) र (१) को (क) अनुसार सेवा आयोगको सिफारिसका आधारमा मात्रै रिक्त पदमा कर्मचारी नियुक्त गर्ने व्यवस्था गरिएको छ ।
पद रिक्त भएको १ महिनाभित्रमा सेवा आयोगलाई सूचना दिएर कर्मचारी नियुक्तिको प्रक्रिया शुरू गरिने नीतिगत व्यवस्था भएपनि त्रिचन्द्रमा शिक्षकदेखि कर्मचारी नियुक्त गर्दा सेवा आयोगलाई सूचनासम्म दिइएको छैन ।
त्रिवि कर्मचारी प्रशासन महाशाखाको निर्णय नम्बर ४५४ का अनुसार कुनै विषयको आंशिक शिक्षक नियुक्ति गर्दा त्रिवि केन्द्रीय कार्यालयबाट स्वीकृति लिनुपर्ने हुन्छ ।
स्नातक तहका लागि साप्ताहिक न्युनतम १५ पिरियड र स्नातकोत्तर तहका लागि साप्ताहिक कम्तिमा १२ पिरियड कक्षा भार भएमा पाठ्यक्रम बनाएर केन्द्रीय कार्यालयबाट स्वीकृति लिनुपर्ने व्यवस्था छ । तर त्रिचन्द्रमा नियुक्त गरिएका कुनै पनि आंशिक शिक्षकको हकमा भने यो व्यवस्था लागू भएको छैन ।
सतर्कता केन्द्रले गरेको छानबिनबाट त्रिचन्द्र कलेजमा सामग्री खरिदको विषयमा समेत अनियमितता भएको भेटिएको छ ।
सार्वजनिक खरिद ऐन, २०६३ तथा खरिद नियमावली, २०६४ अनुसार वार्षिक खरिद योजना तयार गर्नुपर्ने हुन्छ । साथै यस्तो खरिदका लागि खरिद इकाइ गठन गर्नुपर्ने कानूनी व्यवस्था छ । तर त्रिचन्द्र कलेजले गरेका सबै खरिदमा कानूनी प्रक्रिया मिचिएको सतर्कता केन्द्रले जनाएको छ ।
यस्तै विभिन्न कार्यक्रम आयोजनाका लागि आर्थिक सहायताका वितरणको नाममा पनि अनियमितता भएको सर्तकर्ता केन्द्रले औंल्याएको छ । कलेज प्रशासनले कलेज भित्रैका विभिन्न संस्था र व्यक्तिलाई हचुवाका भरमा रकम बाँडेको अख्तियारको छानबिनबाट फेला परेको छ ।
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
पश्चिम नवलपरासीका एमाले नेता थानप्रसाद गैरेले सरकारी विद्यालयको जग्गा बिक्री गरेको अख्तियार दुरुपयोग अनुसन्धान आयोगले लगाएको छ । उनले सरकारी जग्गा अतिक्रमण गरी बिक्री गरेको भन्दै अख्तियारले छानबिन गरी कारबाही ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...