काठमाडौंको खाल्डाखुल्डी पुर्ने काम पनि राष्ट्रिय गौरवका आयोजना अन्तर्गत राख्न सांसदको माग

मंसिर २०, २०७५

काठमाडौं - काठमाडौंका खाल्डाखुल्डी पुर्ने काम पनि राष्ट्रिय गौरवका आयोजानाअन्तर्गत राख्नुपर्ने माग उठेको छ ।

राष्ट्रिय सभाको राष्ट्रिय सरोकार तथा समन्वय समितिको बिहीवार बसेको बैठकमा सांसद सुरेन्द्र पाण्डेले यस्तो माग गरेका हुन् ।


ADVERTISEMENT

'राष्ट्रिय गौरवका आयोजनामा पैसा र कर्मचारीको कमी नहुने भएकाले समयमै सम्पन्न हुन सक्छ,' सांसद पाण्डेले भने, 'काठमाडौंका खाल्डाखुल्डी पुर्ने काम पनि राष्ट्रिय गौरवका आयोजना अन्तर्गत राखियोस् ।'

समिति सभापति दिलकुमारी रावल (पार्वती)को अध्यक्षता र भौतिक पूर्वाधार तथा यातायात मन्त्री रघुवीर महासेठको समेत उपस्थिति बसेको बैठकमा राष्ट्रिय गौरवका आयोजनाहरूबारे छलफल भइरहेको छ ।

समितिले बुधवार अर्थ, कानून र संघीय मामिला मन्त्रीलाई बोलाएर तहगत राज्य संरचनाबारे छलफल गरेको थियो ।

मंसिर २०, २०७५ मा प्रकाशित

प्रेम चन्द

पत्रकार चन्द लोकान्तरका लागि आर्थिक तथा समसामयिक विषयमा रिपोर्टिङ गर्छन् । 

लेखकबाट थप...

प्रतिक्रिया दिनुहोस

ताजा समाचार