काठमाडौं – एनएमबी बैंक र नेपाल घरेलु तथा साना उद्योग (एफएनसीएसआई) संगठनबीच वित्तीय साक्षरता कार्यक्रम सञ्चालन गर्ने सहमति भएको छ ।

एनएमबी बैंक र नेपाल घरेलु तथा साना उद्योग संगठनबीच वित्तीय साक्षरता कार्यक्रम सञ्चालन गर्ने सम्बन्धमा आशयपत्र हस्ताक्षर भएको छ । 

सम्झौता अनुसार एनएमबी बैंकसँगको सहकार्यमा एफएनसीएसआईले वित्तीय साक्षरता कार्यक्रम आफ्ना ४५ हजार सदस्यमाझ सञ्चालन गर्नेछ, जसमध्ये ९ हजार सदस्य महिला उद्यमी रहेका छन् ।

वित्तीय साक्षरता कार्यक्रम लघु, साना तथा मझौला उद्यमको पक्षमा केन्द्रित हुनेछ । जहाँ कार्यक्रमले सहभागी प्रशिक्षार्थीलाई आर्थिक स्रोत सुनिश्चित गर्ने र स्रोतको अधिकतम उपयोग गर्ने विषयमा प्रशिक्षण प्रदान गरिने छ । वित्तीय साक्षरता कार्यक्रमबाट सहभागीले प्रभावकारी आर्थिक निर्णय लिन सक्षम हुने बैंकको विश्वास छ ।

आशय पत्रमा एनएमबी बैंकको तर्फबाट प्रमुख व्यापार अधिकृत गोविन्द घिमिरे र एफएनसीएसआईको तर्फबाट महासचिव डम्बरप्रसाद रेग्मीले संयुक्त रुपमा हस्ताक्षर गरेका छन् ।

एनएमबी बैंकमा एफएमओ, नेदरल्याण्ड्ससँग १७% लगानी रहेको छ । बैंक लगातार २०१७ र २०१८ को लागि ‘बैंक अफ दि एयर’ अवार्डबाट सम्मानित भएकोे छ । हाल बैंकले १ सय १० शाखा कार्यालयमार्फत् देशभर बैंकिङ सेवा प्रदान गरिरहेको छ ।