काठमाडौँ, शुक्रबार (आज) बस्ने भनिएको नेपाल कम्युनिस्ट पार्टीको सचिवालय बैठक स्थगित भएको छ । सरकार र पार्टीका काममा देखिएको अन्यौलका विषयमा छलफल गर्न दिउसो चार बजे प्रधानमन्त्री निवास बालुवाटारमा बस्ने भनिएको बैठक स्थगित भएको हो ।

एसिया प्रशान्त सम्मेलन लगायत सरकारका पछिल्ला गतिविधिप्रति नेकपाका केही नेताहरू असन्तुष्ट रहेका छन् । आज हुने भनिएको बैठकमा एकीकरण प्रक्रिया अघि नबढेको, पोलिटब्युरो गठन हुन नसकेको, केन्द्रीय सदस्यको कार्यविभाजन लगायतका विषयमा छलफल गर्ने कार्यक्रम रहेको थियो ।

आज स्थगित भएको बैठक भोलि दिउसो ३ बजेका लागि तय गरिएको नेकपा स्रोतले जनाएको छ ।