काठमाडौं — क्रिस्टियानो रोनाल्डोले च्याम्पियन्स लीगको सुन्दर भागमा खेल्न पाउने कुराको आनन्द उठाइरहेको बताएका छन् । योङ बोइजसँग अप्रत्याशित रूपमा हारेपनि युभेन्टस अन्तिम १६ का लागि तयार रहेको उनको भनाइ छ । 

इटालेली क्लब युभेन्टस योङ बोइजसँग २–१ ले हारेको भएपनि समूह एचको विजेता भएर नकआउट चरणमा पुगेको छ । 

त्यसो त खेलअगावै युभेन्टस राउन्ड अफ १६ मा पुगिसकेको हो । 

तर रियाल मड्रिडका लागि लगालग तीनवटा च्याम्पियन्स लीग जितिसकेका रोनाल्डो खेलपछाडि उत्साहित नै देखिए । 

‘अब च्याम्पियन्स लीगको सुन्दर भाग शुरू हुन्छ र हामीहरू यसका लागि पूर्ण रूपमा तयार छौं भन्नेमा म विश्वस्त छु,’ यी ३३ वर्षीय सुपरस्टारले पत्रकारहरूलाई बताए । 

‘म अहिले शान्त छु किनकि मलाई यो टीमको अनि मेरो सम्भावनाका बारेमा थाहा छ । मैलै सजिलै दुई गोल गर्न सक्थें तर यो फूटबल हो । हामीले तत्कालै अर्को खेलका लागि ध्यान केन्द्रित गर्नुपर्ने हुन्छ ।’

गोल डट्कमबाट