काठमाडौं–महानगरिय प्रभाग बुङमतीले आज (सोमवार) घरेलु मदिरा नष्ट गरेको छ । नख्खुडोल र नख्खु करिडोर क्षेत्रका बङगुर फार्महरुमा स्थानीय र समाजसेवीहरुको सहयोगमा ८ हजार लिटर घरेलु मदिरा जफतगरि नष्ट गरिएको हो । 

यस अघिपनि स्थानीयको सहयोगमा ३ पटकमा करिब १० हजार लिटरको घरेलु मदिरा नष्ट गरेको महानगरीय प्रभाग बुङमतीका प्रहरी निरीक्षक दिपक मगराठीले बताए ।

विगतमा बुङमति क्षेत्रमा पकेटमार र चोरहरुको समस्या ब्याप्त रेहेको थियो, स्थानीयको सहयोगमा पकेटमारहरुलाई नियन्त्रणमा लिई कारवाहि गरेको र अहिले चोरी, पाकेटमारको घटनामा कमी आएको प्रहरी निरीक्षक मगराठीले बताए । 

अहिले साइवर क्राइमको घटना बढ्दै गएकाले यसको लागि बुङमती क्षेत्रमा रहका आर्दश मावि., अस्मिता मा.वि. जनोदय मावि लगाएत विद्यालयमा किशोरा अवस्थामा रहेका बालबालिकालाई लक्षित गरि जनचेतनाकार्यक्रम सन्चालन भैरहेको मगराठीको भनाइ छ ।