काठमाडौं — ह्वाइट हाउसमा सोमवारको रात्रिभोजन देखेर कुनै पनि च्याम्पियन फूटबल खेलाडी निराश हुने र त्यसका लागि डेमोक्रटहरू दोषी रहेको राष्ट्रपति डोनल्ड ट्रम्पका प्रवक्ताले बताएका छन् । 

क्लेमसन विश्वविद्यालयको फूटबल टोलीले बिहीवार ट्रम्पसँग रात्रिभोजन गरेका थिए । उनीहरूले कलेज फूटबल प्लेअफ नेसनल च्याम्यिपयनशिपमा अलाबामालाई जितेपछि त्यसको उत्सव मनाउन ह्वाइट हाउस गएका थिए । तर
सरकारी कामकाज ठप्प हुँदा ह्वाइट हाउसका कर्मचारीलाई बिदा दिइएको छ जसले गर्दा राष्ट्रपति आफैंले मेन्यु निर्धारण गर्नुपरेको प्रवक्ताले बताए । 

सोमवारको मेन्युमा म्याकडोनल्ड, वेन्डी र बर्गर किङका बर्गरहरू अनि केही पिज्जा खाइएको ट्रम्पले पत्रकारहरूलाई बताए । 

खानेकुराको तस्वीर हेर्दा ठूलठूला बर्गर देखिन्छन् अनि चाँदीका भाँडामा अनेकथरी सस राखिएको देखिन्छ । फोहरमैला कम होस् भनेर ती सबैलाई एक एक गरी बेरिएको थियो । 

ट्रम्पले शुरूमा घोषणा गरेजस्तो शीर्ष खेलाडीहरूले एक हजारवटा ह्यामबर्गर खाने विषयमा अप्ठ्यारो अनुभव गर्लान् भने सामाजिक सञ्जालका केही प्रयोगकर्ताले । तर अन्त्यमा जम्मा ३०० बर्गर ल्याइयो ।

द गार्डियनबाट