×

NMB BANK
NIC ASIA

हेर्दा 'कमन म्यान' बढी, हिरो कम : अभिनयमा गज्जबको दम

माघ २, २०७५

NTC
Sarbottam
Premier Steels
Marvel

काठमाडौं –भर्खर भर्खर केही कार्यक्रममा उपस्थिति जनाउन सक्ने भएका छन्, अभिनेता विपिन कार्की । 

Sagarmatha Cement
Muktinath Bank

चलचित्र ‘जात्रै जात्रा’को छायाङ्कनमा जाने क्रममा कालिमाटीमा मोटरसाइकल दुर्घटनामा परेर खुट्टा भाँचिएपछि उनले झण्डै दुई महिना आराम गरे । १० दिन हस्पिटलमा बिताए, बाँकी घरमा । 


Advertisment
RMC TANSEN
IME BANK INNEWS
shivam ISLAND

त्यो क्षण उनका लागि साह्रै कष्टकर रह्यो । ‘एक/दुई दिन त्यसरी घरमै बस्नुपर्दा त मानिस आत्तिन्छ, म त लगातार डेढ/दुई महिना आराम गर्नुपर्‍यो,’ लोकान्तरसँग विपिनले भने, ‘निकै गाह्रोसँग त्यो समय बित्यो ।’


Advertisment
Nabil box
Kumari

घरमा बसेपनि उनको मन भने कार्यक्षेत्रमै हुन्थ्यो । कहिले पूर्ण रूपमा ठीक भइएला, कहिलेदेखि काममा फर्किन पाइएला ? जस्ता कुरा उनको मनमा खेलिरहन्थे । यसबीचमा उनले पटक–पटक सुटिङलाई सम्झिए, साथीभाइलाई सम्झिए ।

Vianet communication
Laxmi Bank

त्यो समय किताब पढ्ने, टिभी हेर्ने, घाम ताप्ने, गितार बजाउने, गीत गाउने/सुन्ने गरेर बिताए । हस्पिटलबाट डिस्चार्ज भएर घरमै आराम गरिरहँदा उनी अभिनित चलचित्र ‘प्रसाद’ हलमा प्रदर्शनरत थियो । चलचित्रको सुखद् चर्चा भइरहँदा कलाकारसहित निर्माण युनिट दर्शकसँग खुसी साट्न हलहलमा पुगे । हलमा दर्शक विपिनलाई खोज्थे, तर उनी देखिएनन् ।

यस्तो क्षणमा अनुपस्थित रहनुपर्दा कम्ता दुःख लागेन, तर के गर्नु उनलाई अझै आराम गर्नुपर्ने थियो ।

‘घरमै बसेर समाचार तथा भिडियोबाट दर्शक प्रतिक्रिया बुझिरहेको हुन्थेँ । मनले नमानेपछि एकदिन त वैशाखीको सहारामा हलमै पुगें,’ उनले लोकान्तरसँग सुनाए ।

अहिले विशेष कार्यक्रममा घरबाहिर निस्कन थालेका विपिन पूर्ण रूपमा ठीक हुन भने अझै केही दिन लाग्ने बताउँछन् । ‘अहिले धेरै सुधार भएको छ । उपस्थित हुनैपर्ने केही कार्यक्रममा जान थालेको छु,’ विपिन भन्छन् ।  

‘स्क्रिप्ट पढ्दै क्यारेक्टरमा डुब्छु’

मोरङमा जन्मिका विपिन थिएटरबाट उदाएका कलाकार हुन् । ‘छड्के’मा बिन्दु माझीदेखि ‘पशुपति प्रसाद’मा ‘भष्मे डन’, ‘जात्रा’मा ‘फणिन्द्र’ हुँदै ‘प्रसाद’मा ‘बाबुराम परियारसम्म आउँदा उनले आफ्नो क्यारेक्टरलाई दर्शकमाझ राम्रैसँग परिचित गराएका छन् । उनका चलचित्रलाई दर्शकले रुचाएका पनि छन् । फिल्मकर्मीको नजरमा परेका छन् । एउटा कलाकारका लागि यो भन्दा खुशीको कुरा के हुन सक्ला र ? 

विपिन ‘कथाले मागे अनुसार’को पात्र र क्यारेक्टरमा आफूलाई दुरुस्तै ढालेर जिवन्त अभिनय गर्छन् । झट्ट हेर्दा अभिनेता कम र साधारण मानिस बढी लाग्ने विपिन पहिलो त चलचित्र नै छानेर खेल्छन् । खेलेका चलचित्रमा आफ्नो चरित्रलाई फितलो बनाउँदैनन् । सोही कारण पनि विपिनका चलचित्रलाई दर्शकले वर्षौंसम्म सम्झिरहनेछन् । 

विपिन कसरी फिल्म छनोट गर्छन्, अनि क्यारेक्टरमा डुब्छन् त ? ‘पहिलो कुरा त स्क्रिप्ट नै हो । सामान्य रूपमा स्क्रिप्ट हेरिसकेपछि आफूले अभिनय गर्न सक्ने लाग्यो भने मात्र अभिनयका लागि तयार हुन्छु,’ उनी सुनाउँछन् । 

फिल्मको स्क्रिप्ट पढ्दै पात्रको क्यारेक्टरमा आफूलाई डुबाउँछन् । अनि त्यो क्यारेक्टरमा आफूलाई पाए, आफूले विश्वास गर्ने क्यारेक्टर भए उनी अभिनयका लागि तयार हुन्छन् । ‘म स्क्रिप्ट पढ्दैमा पात्रको क्यारेक्टरमा डुबेर पढछु,’ आफ्नो सफलताको सूत्र हामीसँग बाँड्दै विपिन भन्छन्, ‘म आफूले विगतमा भन्दा फरक गरौं भन्ने साँेचिरहेको हुन्छु । त्यही अनुसार विगतमा मैले गरेको क्यारेक्टर भन्दा युनिक बनाउने प्रयास गर्छु ।’ उनी आफ्नो पात्रको क्यारेक्टरलाई कसरी न्याय दिने, कसरी युनिक बनाउने भनेर दिनरात सोच्ने गरेको बताउँछन् । 

‘जब म फिल्मको क्यारेक्टरमा डुब्न थाल्छु, पुराना क्यारेक्टरका कुरालाई हटाउँदै नयाँ सोच्दै जान्छु तब मेरो सबै कुरा बदलिन्छ । केही दिन क्यारेक्टरमा डुबिसकेपछि मात्र एउटा एक्स्ट्रा र युनिक क्यारेक्टर निस्कन्छ ।’ 

'म साधारण मानिस'

हेर्दा जस्तो देखिन्छ, उनी आफूलाई त्यस्तै भन्न रुचाउँछन् । हरेक कार्यक्रममा साधारण भेषमा उपस्थित हुने विपिन लोकान्तरसँगको कुराकानीका क्रममा पनि पोशाकका मामिलामा अपवाद बनेनन् । 

‘तपाईंलाई व्यक्तित्वमा अलि ध्यान दिउँ, गेटअप एक्स्ट्रा गरुँ भन्ने लाग्दैन् ?’ जवाफमा उनी भन्छन्, ‘म आफूलाई यस्तैमा ठीक लाग्छ । यसमै आफूलाई ह्यान्डसम मानेर हिँडिरहेको हुन्छु ।’ 

ड्रेसको मामिलामा आफ्नो खासै ध्यान नजाने उनी बताउँछन् । ‘अभिनयलाई कसरी राम्रो बनाउने सोचिरहेको हुन्छु, पहिरनमा त्यति ध्यान नै जाँदैन,’ उनले भने ।

विपिनको दैनिकी

विपिन र उनकी जीवनसंगिनी रेश्मा कटुवाल काठमाडौंको कोटेश्वरमा बस्छन् । विवाह गरेको चारवर्ष भयो । अहिलेसम्म बुवा बन्न नभ्याएका विपिन अब भने त्यसबारे सोचिरहेको बताउँछन् । सन्तानबारे जिज्ञासा राख्दै हाँस्दै भने, ‘अब त्यसबारे पनि सोच्दैछु ।’

दुर्घटनाका कारण दैनिकीमा थोरै फेरबदल आए पनि विपिन सबेरै उठ्छन् । ‘अहिले खुट्टाले दैनिकी बिगारेको छ, नत्र ५ देखि ६ बजेसम्ममा उठिसकेको हुन्छु,’ उनले भने ।

उठेर हातमुख धोएपछि उनलाई श्रीमतीले पकाएको मीठो चिया नभइ हुँदैन् । चियासँग पाउरोटी, कुकिज, फ्राइ राइस लगायतका खानेकुरा उपलब्धता अनुसार खान्छन् ।

विपिनमा बिहानमा पत्रपत्रिका पढ्ने बानी छ । चिया पिउँदै पत्रपत्रिका हेर्छन् । खाना भने कतिबेला निस्कनुपर्ने छ, त्यसमा भर पर्छ । घरमै हुँदा दिउँसोको १२ बजे खाना खाने विपिन बताउँछन् । दिउँसो ३/४ बजे चियासँग केही खानेकुरा लिन्छन् । सुटिङमा हुँदा भने टीमले जे उपलब्ध गराउँछ, त्यसलाई सहज स्वीकार्छन् । जतिबेला टीमले खान्छन्, त्यतिबेला तयार हुन्छन् । 

घरमै हुँदा साँझको आठ बज्दै गर्दा खानाको समय हुन्छ । विपिनलाई राति अवेरसम्म बस्न मन लाग्दैन् । ‘साँझ चाँडै सुत्ने, विहान चाँडै उठने गर्छु’– उनि भन्छन् । 

नयाँ फिल्म साइन गरेको छैन

उनको नयाँ चलचित्र ‘गोपी’ प्रदर्शनमा आउने तयारीमा छ । चलचित्र ‘जात्रैजात्रा’को छायाँकन उनकै कारण रोकिएको छ । ‘गोपी’को प्रचारप्रसारमा लागेका विपिन चलचित्रको कथा मन परेको हुनाले काम गरेको विपिन बताउँछन् । चलचित्रमा एक स्नातकोत्तर तह पढिरहेको स्वावलम्बी युवकको कथा छ, जो अमेरिका जान छाडेर गाई पालेर बसेको छ । विपिन त्यही पात्र बनेर माघ १८ गतेबाट हलहलमा आउँदैछन् । 

विपिन केही दिन ‘गोपी’को प्रचारप्रसारमा लागेसंगै ‘जात्रैजात्रा’को छायाँकनमा ब्यस्त बन्नेछन् । उनले आफूले गर्दा फिल्म यूनिटलाई प्रभाव परेको बुझेका छन् । त्यसैले त आफू कहिले पूर्णरुपमा निको हुँला र छायाँकनमा जाउँला भन्ने हुटहुटी उनमा छ । अब काममा फर्कन सक्छु भन्ने आत्मबल बढेको विपिन बताउँछन् ।

‘अब एक दुई/हप्तामा पूर्णरुपमा ठिक हुनासाथ ‘जात्रै जात्रा’को छायाँकनमा जानेछु’– विपिन भन्छन् । विपिनसंगै यी वाहेक अन्य चलचित्र छैनन् । ‘केही चलचित्रको स्क्रिट भने पढिरहेको छु । साइन गरिसकेको छैन्’– विपिनले भने ।

hAMROPATRO BELOW NEWS
TATA Below
पुस १०, २०८०

कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् ।  निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ ।  उ...

मंसिर १४, २०८०

नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ ।  चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...

मंसिर ११, २०८०

‘चिसो हावाले’ बोलको गीत युट्युबमा सार्वजनिक गरिएको छ ।  आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ ।  ...

मंसिर १३, २०८०

गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...

कात्तिक १९, २०८०

अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् ।  शुक्रवार राती नेपालमा गएको भूकम्पमा ज्यान गु...

पुस १२, २०८०

ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि ।  ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x