काठमाडौं — थाइल्यान्डमा प्रदूषणको स्तर निकै बढेको छ । अब सरकार बादल बनाउने विमान तैनाथ गर्ने सोच बनाइरहेको छ । बादलले कृत्रिम वर्षा गरेर हावा सफा गर्नेछ । 

बादललाई बाक्लो बनाउनका लागि हावामा रसायन पनि फैलाइनेछ । अनि दक्षिण कोरियामा प्रदूषण स्तर कम गर्नका लागि संकटकालीन नियम लागू गरिएको छ । 

थाइल्यान्डको पोल्युसन कन्ट्रोल डिपार्टमेन्टका डीजी प्रालोङ दुमरोङथाईले भने, ‘कृत्रिम वर्षा गराउनका लागि रोयल रेनमेकिङ एन्ड एग्रिकल्चरल एभिएसनको सहायता लिइनेछ । वर्षा कहिले गराउने भन्ने कुरा हावा र हावामा भएको आर्द्रताको स्तरमा निर्भर रहन्छ ।’

बैंककमा विगत दुई महिनादेखि प्रदूषणको स्तर निकै बढेको छ । वातावरण समूह ग्रीनपीसअनुसार, बैंकक संसारको सबभन्दा प्रदूषित शहरमा पर्छ । 

बैंककमा कार र कारखानाबाट निस्केको धूवाँ र अन्नबाली काटेपछि बचेको भागलाई डढाउँदा आएको धूवाँले प्रदूषण बढाएको हो  । टीभी, रेडियो र सामाजिक सञ्जालमा मानिसहरूलाई मास्क लगाएर मात्र बाहिर निस्कन चेतावनी दिइएको छ । 

एजेन्सी