काठमाडौं– नेपाल राष्ट्र बैंकले गत आथिक वर्ष २०७४÷०७५ मा नै वाणिज्य बैंकहरुलाई प्रत्येक स्थानीय तहमा शाखा खोल्न निर्देशन दिएपनि अझै ६५ वटा स्थानीय तहमा शाखा पुगेका छैनन् ।

नेपाल राष्ट्र बैंकको पछिल्लो विवरण अनुसार अझै मुलुकभरिका ६५ वटा स्थानीय तहमा वाणिज्य बैंकका शाखा पुग्न सकेका छैनन् । राष्ट्र बैंकले प्रत्येक स्थानीय तहमा शाखा स्थापना गर्न भन्दै स्थानीय तह र बैंक किटान गरेरै निर्देशन दिएपनि अझै सबै स्थानीय तहमा शखा स्थापना भएका छैनन् ।

राष्ट्र बैंकका अनुसार गत मंसिर मसान्तसम्म ६ सय ८८ वटा स्थानीय तहमा विभिन्न वाणिज्य बैंकका शाखा पुगेका छन् । अझै ६५ वटामा पुग्न नसकेको राष्ट्र बैंकको विवरण छ ।

प्रदेश १ मा अझै १७ वटा स्थानीय तहमा बैंकका शाखा पुगेका छैनन् । कुल १ सय ३७ वटा स्थानीय तह रहेको सो प्रदेशमा १ सय २० वटा स्थानीय तहमा विभिन्न वाणिज्य बैंकका शाखा पुगेका राष्ट्र बैंकले जानकारी दिएको छ ।

त्यस्तै प्रदेश २ का ३ स्थानीय तहमा बैंकका शाखा पुगेका छैन । उक्त प्रदेशमा कुल १ सय ३६ वटा स्थानीय तह रहेका छन् ।

प्रदेश ३ का ७ वटा स्थानीय तहमा बैंकका शाखा नपुगेको राष्ट्र बैंकको तथ्याङ्क छ । कुल १ सय १९ वटा स्थानीय तह रहेको प्रदेश ३ मा १ सय १२ वटा स्थानीय तहमा विभिन्न वाणिज्य बैंकका  शाखा स्थापना भएका छन् ।

गण्डकी प्रदेशका ३ वटा स्थानीय तहमा  शैंकका शाखा पुगेका छैनन् । उक्त प्रदेशमा ८५ वटा स्थानीयत रहेका छन भने ८२ वटामा विभिन्न बैंकका शाखा सञ्चालनमा आएका छन् ।

त्यसैगरी १ सय ९ वटा स्थानीय तह रहेको प्रदेश ५ का १ सय ७ स्थानीय तहमा विभिन्न बैंकका शाखा सञ्चालनमा आएका र २ वटामा अझै नपुगेका राष्ट्र बैंकले जानकारी दिएको छ ।

त्यस्तै ७९ वटा स्थानीय तह रहेको कर्णाली प्रदेशका ६२ वटा स्थानीय तहमा बैंकका शाखा पुगेका र ८८ वटा स्थानीय तह रहेका सुदूरपश्चिमका ७२ वटा स्थानीय तहमा विभिन्न बैंकका शाखा सञ्चालनमा आएका नेपाल राष्ट्र बैंकले जानकारी दिएको छ ।

नेपाल राष्ट्र बैंकले सबै बैंकहरुले तोकिए अनुसार स्थानीय तहमा शाखा पु¥याउन लागेका प्रतिक्रिया दिएको छ । बैंकका प्रवक्ता नारायणप्रसाद पौडेलले सबै स्थानीय तहमा बैंकका शाखा स्थापना गर्ने कार्य अघि बढाइसकको जानकारी गराएको बताए ।

बैंकहरुले दिएको जानकारी अनुसार छिट्टै सबै स्थानीय तहमा बैंकका शाखा स्थापना हुने उनको भनाई थियो ।