काठमाडाैं- भारतमा स्वाईन फ्लुुका कारण ४० जनाको मृत्यु भएको छ । भारतको पश्चिमी क्षेत्रमा नयाँ बर्ष सन् २०१९ को सुरुवातीका बेला फैलिएको स्वाईन फ्लुका कारण अहिलेसम्म कम्तिमा ४० जनाको मृत्यु भएको हो । 

सरकारी अधिकारीहरूले आज दिएको जानकारी अनुसार एक हजार भन्दा बढी मानिस बिरामी भएका छन् । यो गत डिसेम्बर र यही जनवरीको तथ्यांक हो । उनीहरु नयाँ दिल्ली र राजस्थानसहित पश्चिमी र उत्तरी राज्यका रहेका अधिकारीहरुले जनाएका छन् । 

प्रधानमन्त्री नरेन्द्र मोदीका मुख्य सल्लाहकार अमित शाहलाई पनि स्वाईन फ्लुुको संक्रमण देखिएपछि यही हप्ता अस्पताल भर्ना गरिएको थियो । विरामीहरूलाई सेवा दिनका लागि ती राज्यहरुमा सरकारले घरदैलोमै उपचार उपलब्ध गराउने अभियान चलाएको छ । सरकारी अधिकारीहरुले त्यस क्षेत्रमा भ्रमण नगर्न सल्लाह दिएका छन् ।